ეს ჟურნალისტ ანა კალანდაძის არც ისე სასიამოვნო გამოცდილებაა, რომელიც სოციალური ქსელის მომხმარებლებს გაუზიარა და როგორც ცნობილია, ანას ერთადერთი არ არის, ვისაც ასეთი პრობლემა შეექმნა. უამრავი ადამიანი იხდის ფულს (არც ისე ცოტას) ამა თუ იმ საჭირო პროდუქციაში, ენდობა ეტიკეტს, გამყიდველს, მაღაზიას და საბოლოოდ მოტყუებული და კიდევ უფრო უარესი - დაზარალებული... სამწუხაროდ, საწოლის მატრასი ერთ-ერთია იმ მასობრივ უხარისხო პროდუქციას შორის, რომლებითაც სავსეა ჩვენი ბაზარი და რაც ყველაზე გულსატკენია, ისევე როგორც ბევრი სხვა რამ, ის, თუ როგორ და რაზე წევხარ,როგორ გძინავს, პირდაპირ აისახება

მაშ ასე, შეპირებული პოსტი-გამოცდილება:

"ვისაც საწოლის მატრასის ყიდვა აქვს დაგეგმილი, არ მოტყუვდეთ: თბილისის სავაჭრო ცენტრებში არსებულ მატრასებს, რომლებსაც თურქულად ასაღებენ და შესაბამისი ეტიკეტიც აქვს ზედ დაკრული, იკერება და აწყობენ თბილისში. ადგილობრივ წარმოებასთან არაფერი საწინააღმდეგო არ მაქვს, პირიქით, სასიხარულო ფაქტია, ხარისხიან საქონელს რომ იძენდე, რატომაც არა, მაგრამ...
ბაზარზე არსებული მატრასები ვიზუალურად დიდად არ განსხვავდება თურქეთიდან შემოტანილისგან, თუმცა თბილისში (ბუნებრივია ეკონომიის მიზნით), დაბალი ხარისხის ზამბარები, ქეჩა, ღრუბელი და სხვა მასალებია გამოყენებული. ბევრი რომ არ გავაგრძელო, საკუთარი თვალით არ მქონდეს ეს ყველაფერი ნანახი და + გამოცდილი, არაფერს დავწერდი, მაგრამ ვითომდა ორთოპედიული, ანტიბაქტერიული მატრასი, შეძენიდან 2 თვეში რომ აბაზანის ფორმის გახდება და აქედან 1 თვე მასზე არ გიძინია, ეს იმას ნიშნავს, რომ ნაგავში გადაყარე ფული ("ფრედი კრუგერის" პერსონაჟებივით ვარ, თუ ჩაგეძინა, საწოლი-აბაზანა ოკეანედ, ან ჭაობად იქცევა, რომელშიც ჩაიძირები, ჩაიხრჩობი, ან წაგიყვანს ფრედი).

გაიკითხეთ, მილიონი რჩევა მოისმინეთ და ნაცნობი ნახეთ, ოღონდ პატიოსანი ნაცნობი. ჯობია მაღაზიები დაიაროთ, ნახოთ საბუთი, რომ საქონელი საბაჟოგამოვლილია და ა.შ. არ ენდოთ მათ, ვინც გეტყვით, რომ შვილი ზუსტად ასეთ მატრასზე უწევს, ან თავად სძინავს ისეთზე, რომელიც თქვენ შეარჩიეთ. მოკლედ, ტვინი გაუბურღეთ და გაიბურღეთ, თორემ სხვა შემთხვევაში ჩათვალეთ, რომ რამდენიმე ასი ლარი ქარისთვის გაგიტანებიათ... მშვიდი და კომფორტული ძილი ხომ ჯანმრთელობის ერთ-ერთი მთავარი გარანტია".

ასევე იხილეთ: "მაღაზიებში შემოთავაზებული 200-ლარიანი მატრასები გადაყრილი ფულია" - რჩევები საძინებლისთვის