"იმერეთში გოგონა მზეში 7 საათის განმავლობაში ჩოგბურთს თამაშობდა და იმდენად ცუდად გახდა, ხუთი დღე რეანიმაციაში გვყავდა"


"ჩვენ ყველას დავეხმარებით, ექიმები ვართ და ჩვენი მოვალეობაა, მაგრამ გული მწყდება ნებისმიერი არსება რომ გებულობს მზეს რომ უნდა მოერიდოს და ადამიანები ჯიუტად არ უფრთხილდებიან თავს! 6 საათი რომ მზის ქვეშ დგას ადამიანი და დამწვრობას მიიღებს, მერე იმას უბედურ შემთხვევას ხომ ვერ დავარქმევთ!?" _ ამბობს ექიმი გუგა ქაშიბაძე, რომელიც ქვეყანაში დამწვრობის შემთხვევების გზარდილ სტატისტიკაზე საუბრობს და გვასწავლის როგორ უნდა მოვიქცეთ დამწვრობის მიღების შემთხვევაში, ვიდრე ექიმამდე მივალთ...

_ არ ვიცი რამ გამოიწვია, მაგრამ წელს დამწვრობის შემთხვევვების სტატისტიკა მომატებულია. მზეზე რომ გაჩერდები ადამიანი
4-5 საათი, საკმარისია დამწვრობა რომ მიიღო! წელს უკვე 68 შემთხვევა გვქონდა, აქედან 17 მათგანს სტაციონარში მოთავსება დაჭირდა. დღეს დილას ხუთი პაციენტი მივიღეთ... საბედნიეროდ ისეთი მძიმე, რომ რეანიმაციაში მოგვეთავსებინა, არცერთი მათგანი არ ყოფილა. შარშან იყვნენ პაციენტები, რომლებიც რეანიმაციაში მოხვდნენ. თუმცა ჯერ კიდევ მთელი ზაფხული წინ არის და წინასწარ რას გავიგებთ, რა მოხდება... ზაფხული ახლახან დაიწყო, ამინდებიც არ არის ძალიან ცხელი და დამწვრობის 68 შემთხვევა საკმაოდ მაღალი ციფრია! მოსახლეობას ვურჩევდი, რომ თანაბარი რუჯი მიიღონ და მზისგან დამცავი კრემები წაისვან! ერთ დღეში რომ ორი კვირის რუჯს ვერ მიიღებენ, ჩემი რჩევა არც უნდა ჭირდებოდეთ! კი გვაქვს ძალიან კარგი დამწვრობის ცენტრი, მაგრამ ჩვენი ცენტრის გასაცნობად არ ღირს დამწვრობის მიღება და 5-6 საათი მზეში დგომა! როდესაც სტატისტიკა შევადგინეთ, ყველაზე მეტად იმან გამაკვირვა, რომ წელს ბიჭებშია დაწვრობის შემთხვევები მომატებული. უკვე ქალების და მამაკაცების დამწვრობის სტატისტიკა თანაბარია.


_ ლეღვის ნახარშით გამოწვეული დამწვრობა იყო წელს?
_ უკვე მაგ სიტყვის ხსენებაც აღარ მინდა და საბედნიეროდ წელს არ ყოფილა... ჩვენ ყველას დავეხმარებით, ექიმები ვართ და ჩვენი მოვალეობაა, მაგრამ გული მწყდება ნებისმიერი არსება რომ გებულობს მზეს რომ უნდა მოერიდოს და ადამიანები ჯიუტად არ უფრთხილდებიან თავს! 6 საათი რომ მზის ქვეშ დგას ადამიანი და დამწვრობას მიიღებს, მერე იმას უბედურ შემთხვევას ხომ ვერ დავარქმევთ!? იყო მაგალითად შემთხვევა, როდესაც იმერეთში გოგონა მზეში 7 საათის განმავლობაში ჩოგბურთს თამაშობდა და იმდენად ცუდად გახდა, ხუთი დღე რეანიმაციაში გვყავდა მოთავსებული.

_ დამწვრობის მიღების შემთხვევაში როგორ უნდა მოვიქცეთ, ვიდრე ექიმამდე მივალთ?
_ აუცილებელია ტკივილგამაყუჩებელი საშუალების მიღება! დამწვრობის კრემი უნდა წაისვას, კარგია ბევრი სითხე და არავითარ შეთხვევაში მზეზე გასვლა! მზე როცა ზენიტშია, მხოლოდ სანაპიროზე კი არ არის საშიში, არამედ ქოლგის ქვესაც, რადგან მზის სხივებს უამრავი საგანი ირეკლავს! მერე ჩივიან რატომ დავიწვიო... აუცილებლად უნდა დაიწვან მზისგან დამცავი კრემი, რომელიც ყველა აფთიაქშია და აფთიაქი ყოველი ფეხის ნაბიჯზე!

_ გასარუჯად მხოლოდ ლეღვის ნახარში არ არის გავრცელებული. მაგალითად არის ნიგზის ზეთი და ატასგვარი ბუნებრივი საშუალებები... ესენიც საშიშია?
_ ფარმაცევტული კომპანიები წლების განმავლობაში მუშაობენ ლოსიონებზე, თანაბარი რუჯის მიღება რომ უზრუნველყონ და რატომ გონია ვირაცას რომ მეცნიერებზე უკეთეს მეთოდს გამოიგონებს! უმჯობესია ყოველთვის აფთიაქში შეძენილი კრემებვით ვისარგებლოთ!
მანანა გაბრიჭიძე



კომენტარები

მაგნოლია 2017-08-07 00:00
დათოს - არ გინდა პლასტმასის ულვაში გქონდეს და მაგისთანა ტვინი ?
temo 2017-07-19 11:06
ki mara, ar icit rom amden xans mzeze gachereba da mitumetes tamashi ar sheizleba? patroni ar kavda am gogonas?
ევა 2017-07-19 10:12
ყველაზე საყვარელი და უძლიერესი ექიმია! საუკეთესო.
თავის დამკვიდრება არ ჭირდება ისედაც დამკვიდრებულია და ვინც იცნობს ყველა დამეთანხმება!
nino 2017-07-09 16:06
kuriers kvela ujurebsda ikneb miamatot 5 cutiani shemecnebiti impormacia.mses rom veridot,ar davabinzurot kuchebi,tu vinmes davejaxebit bodishi movuxadot,madloba vutxrat tu vinme gagvatarebs,vin gvarcxvens tu mankana mcvanese mikris...ikneb ganatlebis ministrmac isrunos ramese...
ნინო 2017-06-29 23:51
უკვე ზღვარს გადავიდა ამ ხალხის უვიცობა, მზის სხივებისგან თავის დაცვის ელემენტარული წესებიც არ იციან, და უამრავი უსაფრთხოების წესებისგან ისე შორს არიან, ვერც გაიგებენ რა საჭიროა ან როდის უნდა გამოიყენონ. სამწუხარო რეალობა!

კომენტარის დამატება

მსგავსი სიახლეები