თუ აგარაკზე დასვენება გადაწყვიტეთ, კარგად დაათვალიერეთ სარდაფიდან სახურავის ჩათვლით ყველაფერი და დარწმუნდით, რომ იქ დარჩენა უსაფრთხოა. თუ შენიშნეთ დამსკდარი კედლები ან დამპალი ფიცრები, აუცილებლად მოიყვანეთ ხელოსანი და შეაკეთეთ.

ამის შემდეგ კარგად დაათვალიერეთ ბაღი, მოჭერით ყველა გამხმარი ხე და ტოტი, რომ თავიდან აიცილოთ ნებისმიერი საფრთხე.

სანამ ავეჯს შეიტანთ, სათანადოდ შეამოწმეთ ყველა სახის კომუნიკაცია და დარწმუნდით, რომ ყველაფერი გამართულად მუშაობს. საუბარია წყალზე, ელექტროენერგიაზე, გაზზე, შესასვლელ კარზე, საკეტზე და ა.შ.

არ დაგავიწყდეთ ფანჯრების შემოწმება, რამდენად სანდოდ იკეტება. თუ სახლი ძველია, დიდი ალბათობით ხის ფანჯრები ექნება და შესაძლოა ამ მხრივ პრობლემა შეგექმნათ.

იმისათვის, რომ დრო კომფორტულად გაატაროთ, გაამწვანეთ და განაახლეთ ბაღი, ბოსტანი, რათა მაქსიმალურად შეძლოთ სიამოვნების მიღება. მოაშორეთ ყველა ის ხე და მცენარე, რომელიც, თვლით, რომ არ გჭირდებათ.

შემდეგი ეტაპი კი გარე ფასადის განახლებაა, იქნება ეს თავად სახლი თუ ღობე, რომელიც შეგიძლიათ უბრალოდ გადაღებოთ. დღესდღეობით ბაზარზე უხვად არის ისეთი საშუალებები, რომელთა დახმარებით თითქმის ყველა ზედაპირს შეგიძლიათ მიანიჭოთ მეორე სიცოცხლე.

სათანადოდ იზრუნეთ სახლის ინტერიერსა და ექსტერიერზე. ეცადეთ ისეთი ინვენტარი მოიძიოთ, რომელიც გარემოს გაგიხალისებთ და ინდივიდუალურობას შესძენს.


სააგარაკო სახლის დიზაინი - საინტერესო და ორიგინალური იდეები