ამჯერად გთავაზობთ უნივერსალური ფენ-შუის რჩევებს, რათა შეეცადოთ, შეცვალოთ თქვენი ცხოვრება უკეთესობისკენ. უძველესი ჩინური პრაქტიკა ეფუძნება ცის დადებით ენერგიას, რომელიც მჭიდრო კავშირშია იმასთან, თუ როგორ არის განლაგებული ობიექტები სივრცეში.
თუ გსურთ, რომ სივრცემ მოგცეთ ძალა, უნდა დაიწყოთ თქვენი მდგომარეობის დაკვირვება და იმის შემჩნევა, თუ რა მოგანიჭებთ სასიამოვნო ემოციებს და რა გიშლით ხელს. ასე რომ, პირველ რიგში, ჰკითხეთ საკუთარ თავს, როგორი სივრცის შექმნა გსურთ თქვენს სახლში და როგორ გსურთ იგრძნოთ თავი მასში?


გადაწყვიტეთ, როგორ გამოიყენებთ მისაღებ ოთახს?
მოდით, განვიხილოთ მისაღები ოთახი. მისაღები ოთახები სხვადასხვა მიზნებისთვისაა შექმნილი - ეს შეიძლება იყოს მყუდრო ადგილია სამუშაო დღის შემდეგ დასასვენებლად, ან ადგილი სტუმრების მისაღებად და გართობისთვის. თქვენი ამოცანაა ოთახის ფერების, განლაგებისა და დეკორის ადაპტირება მის საერთო დიზაინთან, მაგრამ გაითვალისწინეთ, რომ მისაღები ოთახი ყოველთვის შეკრების ადგილია, როგორც თქვენი ოჯახისთვის, ასევე სტუმრებისთვის. ეს არის საზოგადოებრივი ოთახი, ამიტომ ფერები და განლაგებაც ამას უნდა ასახავდეს.

თუ სტუმრები ხშირად გყავთ, შეგიძლიათ აირჩიოთ უფრო თამამი ფერები, ხოლო უფრო მშვიდი ტონები შესაფერისია მათთვის, ვინც მარტოხელა ცხოვრების წესს ეწევა. დატვირთულ მისაღებ ოთახში, სადაც ყოველთვის იკრიბებიან სტუმრები და იმართება წვეულებები, მიზანშეწონილია დაამატოთ უფრო ენერგიული ფერების ტონები, როგორიცაა ყვითელი და ნარინჯისფერი. თუ თქვენი მისაღები ოთახი ძირითადად დღის ბოლოს დასვენებისთვის გამოიყენება, მაშინ მშვიდი, მდუმარე ფერთა პალიტრა უფრო მოგერგებათ.



ნებისმიერი სივრცის მოსაწყობად ფენ შუი იყენებს ხუთ ელემენტს - მიწას, ხეს, ცეცხლს, ლითონს და წყალს. მნიშვნელოვანია მათი დაბალანსება ჰარმონიული გარემოს შესაქმნელად, ამიტომ თითოეული ელემენტი გარკვეულწილად უნდა იყოს წარმოდგენილი სივრცეში. ეს პრინციპი შეიძლება გამოყენებულ იქნას არა მხოლოდ ცალკე ოთახისთვის, არამედ ღია თაროებზე დეკორისთვისაც.
დააკვირდით თაროებს და თუ რაღაც არასწორად გეჩვენებათ, მაშინ, სავარაუდოდ, ხუთი ელემენტიდან ერთ-ერთი აკლია. ყველა ელემენტის არსებობას არა მხოლოდ ფერით შეგიძლიათ მიაღწიოთ. მაგალითად, თუ წითელი ფერის გამოყენება არ გსურთ, შეგიძლიათ აირჩიოთ ცხოველური პრინტები ან სამკუთხა ფორმები, რომლებიც ასევე ასახავს ცეცხლის ელემენტს მისაღებ ოთახში.

რა თქმა უნდა, პირველ რიგში, ყოველთვის უნდა მოუსმინოთ საკუთარ თავს და გამოიყენოთ ფერები, რომლებიც მოგწონთ. თუმცა, ფენ-შუის ექსპერტები გვირჩევენ მისაღები ოთახისთვის ნეიტრალური, თბილი ან ნაცრისფერი ფერების პალიტრიდან არჩევას. გარდა ამისა, არსებობს გარკვეული ფორმები და ტექსტურები, რომლებსაც ყურადღება უნდა მიაქციოთ ავეჯის არჩევისას.


მიწა
ეს არის აგურის, თიხის, ფაიფურის ან კერამიკისგან დამზადებული ნებისმიერი ნივთი. დაბალი, კვადრატული ან მართკუთხა ავეჯი, გეომეტრიული ნიმუშები. თბილი მიწიერი ფერები: ყავისფერი, ოქროსფერი, ყვითელი, ტერაკოტა ან ზეთისხილისფერი.

ცეცხლი
განათება, სანთლები ან საკმეველი, წითელი ან ნარინჯისფერი ტონების ობიექტები. სამკუთხა ფორმები, ტყავის მასალები, ცხოველური პრინტები, აბსტრაქტული ხელოვნება.

წყალი
შეიძლება წარმოდგენილი იყოს ლურჯი, ღია ლურჯი ან ნაცრისფერი, მინის ობიექტები, სარკეები, მბზინავი, ცისარტყელასფერი ან მარგალიტისფერი ტექსტილი, მომრგვალებული ფორმები.

ხე
მაღალი, ვერტიკალური ხაზები, მწვანე ფერის ტონები, მცენარეული და ყვავილების ნიმუშები, ცოცხალი მცენარეები, მაღალი ავეჯი.

ლითონი
მრგვალი ფორმები და თაღები, მეტალისფერი ტონები თეთრიდან ვერცხლისფერ ან ნაცრისფერამდე, მბზინავი ქსოვილები, წრიული ნიმუშები.

სად მოვათავსოთ დივანი მისაღებ ოთახში?
თუ შესაძლებელია, ეცადეთ, დივნის ზურგი მისაღები ოთახის შესასვლელისკენ არ იყოს მიმართული. ავეჯის იდეალური განლაგება არის ის, როდესაც ოთახში შეხვალთ და დივანს თქვენსკენ ხედავთ. თუ თქვენი ინტერიერის განლაგება არ შეესაბამება ამ დივნის განლაგებას, არსებობს ალტერნატიული გზები.
დივნის უკან დაამატეთ ვიწრო კონსოლის მაგიდა, მასზე მოათავსეთ ლამაზი ნივთები: დეკორატიული მაგიდის ნათურები, აქსესუარები და ცოცხალი მცენარეებიც კი. ამ გზით, დივანზე მჯდომი ადამიანი თავს უფრო დაცულად იგრძნობს უკნიდან მომავალი ადამიანებისგან.
თუ დივნის შესასვლელისკენ განთავსება შეუძლებელია, ჩამოკიდეთ სარკე, რათა დივანზე მჯდომმა ადამიანმა შესასვლელი ანარეკლში დაინახოს.

როგორ გამოვათავისუფლოთ დადებითი ენერგია?
ეს ისეთივე მარტივია, როგორც მისაღებ ოთახში სიარული სკამებთან, კომოდების კუთხეებთან და დივნებთან შეჯახების გარეშე. თუ ავეჯის გარშემო სიარული გიწევთ, უნდა გაათავისუფლოთ ადგილი - დადებითი ცის ნაკადიც გათავისუფლდება.

როგორ მოვაწყოთ განათება?
შეიძლება ვერ გააცნობიეროთ, მაგრამ ცუდად განათებულმა ოთახმა შეიძლება განწყობა გაგიფუჭოთ. მეორეს მხრივ, თუ ოთახი ძალიან ნათელია, ამან შეიძლება ყურადღებაც გადაიტანოს. საუკეთესო გამოსავალია სხვადასხვა ტიპის განათების გამოყენება, მაგალითად, დეკორატიული განათებისთვის დაბალი მაგიდის ნათურები და ზოგადი განათებისთვის ჩაშენებული ჭერის ნათურები. 

მცენარეები
მცენარეები სივრცეში ზრდისა და სიცოცხლისუნარიანობის სიმბოლოა, ანუ ისინი ოთახს სიცოცხლეს შთაბერავენ. ფენ-შუის ექსპერტები გვირჩევენ მომრგვალებული ფოთლების მქონე მცენარეებს. აირჩიეთ რბილი, აყვავებული მცენარეები ბუმბულისებრი ფოთლებით და არა წვეტიანი ფოთლებით და არ შეიძინოთ კაქტუსები. 

რომელი ნახატები დავკიდეოთ მისაღებ ოთახში?
ფენ-შუის ექსპერტებს კედლებზე ნახატებთან დაკავშირებით რამდენიმე რეკომენდაცია აქვთ: aაირჩიეთ მშვიდი სურათები: პლაჟი იდეალური ვარიანტია. და არ განათავსოთ ნახატები ძალიან დაბლა, ჩამოკიდეთ ისინი ჩვეულებრივზე რამდენიმე სანტიმეტრით მაღლა. ეს ყურადღებას იპყრობს და განწყობას ამაღლებს.

როგორ გავაფორმოთ ფანჯრები?
ითვლება, რომ სუფთა ფანჯრებს პროფესიულ ცხოვრებაში მეტი იღბალი და წარმატება მოაქვთ. ამიტომ, ეცადეთ, რაც შეიძლება მეტი დღის სინათლე შემოუშვათ ფანჯრის მუქი  ფარდებით დაფარვის გარეშე. სხვათა შორის, თუ თქვენი ფანჯრები ჭუჭყიანია, ფენ შუის ექსპერტები ამბობენ, რომ თქვენი ცხოვრებისეული შეხედულება ბუნდოვანია, თქვენ ვერ ხედავთ თქვენს გარშემო ასებულ შესაძლებლობებს.