მიკროტალღურ ღუმელში ყოველთვის რაღაც თუხთუხებს, ისვრის შხეფებს ან უბრალოდ ფეთქდება. მიმხმარი ცხიმის ლაქების მოშორება ადვილი ნამდვილად არ არის. როგორ შეიძლება ამ პრობლემის მარტივად მოგვარება?
მოათავსეთ მიკროტალღურ ღუმელში ლიმონის ან ლაიმის ნაჭრიანი წყლით სავსე ჭიქა. დაუმატეთ რამდენიმე სუფრის კოვზი ძმარი. ჩართეთ მაქსიმალურ სიხშირეზე და დაელოდეთ წყლის ადუღებას.
დაელოდეთ 15 წუთი, შემდეგ გააღეთ კარი და გაწმინდეთ ღრუბლით.
თუ თეფშის შუაგულში პატარა ჩაღრმავებას გააკეთებთ კერძი თანაბრად გაცხელდება.
საჭმლის გაცხელების დროს თეფშის მახლობლად მოათავსეთ წყლიანი ჭიქა, ასე საკვები სირბილეს შეინარჩუნებს.
წიწიბურას, მაკარონის გაცხელების დროს ეცადეთ თეფშს თავზე ქაღალდი გადააფაროთ, ასე მიკროტალღურს სისუფთავეს შეუნარჩუნებთ.