ძველებურ ჭურჭელსა და ფაიფურის ნაკეთობებს თავისი ხიბლი აქვთ, თუმცა დღესაც იქმნება ჭურჭელი, რომელიც ხარისხით ძველს არ ჩამოუვარდება. დღეს თანამედროვეობის ერთ-ერთ ყველაზე პოპულარულ ბრენდზე - Duralex-ზე ვისაუბრებთ. ეს სერვიზი ჩვენთან ძალიან პოპულარულია, მაგრამ რა ვიცით მის შესახებ?

30-იან წლებში კომპანია სენ გობენმა ძველი მინის ქარხანა შეიძინა. მანამდე იქ ძმრის ექსპორტიორები და პარფიუმერები ბოთლებსა და ფლაკონებს უკვეთავდნენ. ახალმა მფლობელმა კი ამ ქარხანაში ახალი ტექნოლოგიის, გამოწრთობილი მინის წარმოებას დაუდო სათავე. სულ რამდენიმე წელიწადში ფირმამ ეს ტექნოლოგია მინის ჭურჭლის წარმოებაში გამოიყენა და 1945 წელს ბრენდი

თავად სახელწოდება ლათინური გამოთქმიდან მომდინარეობს და სიტყვასიტყვით ნიშნავს "კანონი მკაცრია, მაგრამ ეს კანონია". ამ დროიდან მოყოლებული დურალექსი მხოლოდ გამოწრთობილი მინის ჭურჭლის წარმოებაზეა სპეციალიზირებული.

ყოველგვარი მოხატვის გარეშე, ზედმეტად სადა დიზაინის მიუხედავად, მწარმოებელთა გამოცდილებამ და ნოვატორობამ ამ მარკას საერთაშორისო აღიარება მოუტანა. დურალექსის ჭურჭლის გატეხვა თითქმის შეუძლებელია, იგი თავად სრულყოფილებაა და მოდიდანაც არ გადადის.

დღეს დურალექსი 250 დასახელების პროდუქტს ამზადებს - მათ შორისაა სხვადასხვა სტილის ჭიქები, ფინჯნები, თეფშები, სასალეთე და სუფრის სხვა აუცილებელი ატრიბუტები. პროდუქცია 6 ფერშია წარმოდგენილი - რუხი, ყვითელი, ვარდისფერი, ცისფერი, იისფერი და სრულიად გამჭვირვალე.
ამ ფრანგული ბრენდის ყოველ პროდუქტს თავისი დამღა, ეტიკეტზე კი თავისი დამახასიათებელი ნიშნები ახლავს, რომლებიც პროდუქტის თვისებებს აღნიშნავენ.

გთავაზობთ ამ ნიშნების აღწერას:

ჭურჭელი გამოწრთობილი მინისგან არის დამზადებული, არის მდგრადი და დარტყმაგამძლე

იტანს ტემპერატურის ცვალებადობას 135 გრადუსამდე. ამის წყალობით საყინულეში ნამყოფი ჭურჭლით შეგიძლიათ მიკროტალღურ ღუმელში რაიმე გააცხელოთ. ის არ დაზიანდება

დურალექსის ყველა ნაწარმისთვის ჭურჭლის მანქანაში რეცხვა დაშვებულია
უშიშრად შეგიძლიათ გამოიყენოთ მიკროტალღურ ღუმელში
შეგიძლიათ გამოიყენოთ საყინულეში
ჭურჭელის უმეტესი ნაწილი მინისგან არის დამზადებული. ეს მასალა გამჭვირვალე იქნება, დაბურული თუ ფერადი, არ შეიცავს ფორებს, სადაც მიკრობები დაიბუდებენ. ანუ 100%-ით ჰიგიენურია
დამზადებულია მინისგან, რომელიც ჭრილობას არ მოგაყენებთ. 100%-ით უსაფრთხოა
დურალექსის ჭურჭელი მხოლოდ საფრანგეთში მზადდება. 100% made in france.
ეს ფრანგული ბრენდის დამღაა

წარმოგიდგენთ დურალექსის უახლეს ნიმუშებს