ნინო ჯანგირაშვილი: "ამ ახალაშენებულ ჯართ კორპუსებში ვის რა ჯანდაბად გინდათ ბინები და აქ გადმოსვლა?"

თბილისის დამახინჯებისა და მწვანე საფარის განადგურების ხარჯზე ქალაქში გაალმასებულ მშენებლობებს ბევრი ადამიანი აპროტესტებს და სხვადასხვანაირად ეხმაურება. ტელეკომპანია "კავკასიის" დამფუძნებელი, ჟურნალისტი ნინო ჯანგირაშვილი მათ შორის არის. მან ვრცელი პოსტი მიუძღვნა ამ თემას:


"ძალიან მიყვარდა ადგილი, სადაც ათწლეულებია ვცხოვრობ. წლების მანძილზე არ გამჩენია სხვაგან გადასვლის სურვილი. მიზეზები: სახლთან პარკი, სიმწვანე, აუზი, სკოლა, საბავშვო ბაღი, სიმშვიდე, კარგი ხედები, სუფთა ჰაერი (შედარებით თბილისის სხვა უბნებთან), ნაკლები ღრიანცელი და საცობები. რა ხდება დღეს: სკოლა და საბავშვო ბაღი ჯერჯერობით ისევ არსებობს (ეს უკანასკნელი წლების წინ ძლივს
გადაურჩა რამდენიმე დეველოპერულ ჩანაფიქრს), თუმცა პარკი თანდათან ხმება და პატარავდება. გარშემო სახლები შემოუშენეს და ერთი ყველა ხელისუფლებასთან დაახლოებული ბიზნესმენი ისე ჭრის ხეებს და ისე ღობავს პარკს, არავინ ხმას არ ცემს.

თანდათან სუნთქვა აქაც ისეთივე აუტანელი გახდა, როგორც უბნების უმრავლესობაში. აუზი გაიყიდა და მის ადგილზე დღეს 20-სართულიანი კორპუსია ჩაყუდებული. გვერდით კიდევ ერთ ასეთს აშენებენ. კორპუსის წინ მუდმივი საცობებია, იმიტომ რომ ერთ წვრილ ქუჩაზე ორივე მხარეს ამ ოცსართულიანი კორპუსის მანქანებია გამწკრივებული და სკოლის შესასვლელთან ბავშვები და მანქანები ერთმანეთს ახტებიან. ბავშვი სკოლაში რომ მიდის, შიშით ვუყურებ ფანჯრიდან. სახლთან ძლივს მიდიხარ, იმიტომ რომ გარშემო ყველაზე წვრილ ქუჩებზეც კორპუსები ჩააყუდეს და ორმხრივი მოძრაობის ქუჩებში მანქანის გასავლელად მხოლოდ ერთი ზოლია დარჩენილი. ხედები აღარ მაქვს, იმიტომ რომ ყველა მხარეს ცხვირწინ მახინჯი კორპუსები ამიშენეს. ბოლო დროს აღმოვაჩინე, რომ აღარ მინდა აქ ცხოვრება და სერიოზულად დავფიქრდი სხვაგან გადასვლაზე.

ჰოდა, იცით რა მაინტერესებს? მე უკვე გაქცევა მინდა აქედან და იმ ახლად აშენებულ ჯართ კორპუსებში ვის რა ჯანდაბად გინდათ ბინები და აქ გადმოსვლა? აუტანელია უკვე აქ ცხოვრება. რისთვის გვინდა ან მშენებლობა, ან ბინა, თუ იქ ცხოვრება, არსებობა და ელემენტარულად სუნთქვა აუტანელია?

კომენტარები

მანანა 2017-09-04 14:02
ნინო ჯანგირაშვილს. ნინო, გეტანხმებით, მართლაც თბილისი ამ ახალმშენებლობებმა ძალზე დაამახინჯა, ხარისხზე საუბარი კი მით უმეტეს საგანგაშოა. მაგრამ მე მინდა კიდევ ერთ საჭირბოროტო სახლზე გესაუბრო. ეს არის ბათუმის "თეთრი მაგნოლია" ამ სახლში მეც მაქვს ბინა მე-8 სართულზე. სხვენი, კი რომელიც თქვენ გაქვთ სწორედ ჩემი ბინის თავზეა. ამ ზაფხულს ძლიერი წვიმების დროს თქვენი სხვენის ღია აივნის წყალობით ჩამოირეცხა თქვენს ქვემოთ მყოფი ბინები და ჩემს ბინის შახტაშიც შემოაღწია. თანაც ეს პირველი შემთხვევა არ არის. გთხოვთ მიხედოთ თქვენს სხვენს. ნუთუ როცა აშენებდით, იმაზე არ გიფიქრეთ, რომ პრობლემას შეუქმნიდით ქვედა სართულებს?
cira 2017-09-04 12:25
მართალი ხარ ნინო, აუტანელის საირმის ქუჩაზე რაც ხდება, ფაქტიურად სამანქანო გზაა არ არის და კიდევ კორპუსი შენდება, მაინტერესებს ვინ გასცა ამ ადგილზე კიდევ კორპუსის მშენებლობის ნებართვა, საერთოდ აზროვნებს მერია, ხალხს გზა არა აქვს და ესენი კიდევ აშენებენ კორპუსს
nato 2017-09-04 02:16
daafason glexis shroma shemotanili nagavi rom girs atmagi barem hvenianma ixeiros da eqneba mere sofelshi cxovrebis stimuli da agarc vazebs achexaven
nato 2017-09-04 02:08
vetanxmebi tbilisels vici qalaqic da sofelic sofeli jobia gaaumjobeson pirobebi sacxovreblad qalaqshi arajansagi garemoa zalian dilit rom igvizeb ukve daglilad grznob tavs daakvitdit tu araa ase
სიმონი 2017-09-03 23:38
თბილისელო შენი გონება თუ წვდება შენ მე მგონი თბილისელი

კომენტარის დამატება

მსგავსი სიახლეები