საწებლის რეცეპტი, რომელიც 48 საათში 8000-ზე მეტმა ადამიანმა გააზიარა

ჟურნალისტ ნინო კვაჭანტირაძის ”საფირმო” საწებლის რეცეპტი არნახულად პოპულარული გამოდგა და თავად რეცეპტის ავტორიც გაოგნებას ვერ მალავს. ”ქართული ფეისბუქის ისტორიაში უპრეცედენტო ამბავია -პომიდვრის საწებლის ჩემი რეცეპტი 48 საათში გაიზიარა 8224 ფეისბუქმომხმარებელმა”, - წერს ნინო.

გავიგოთ, რა რეცეპტზეა საუბარი:

”აი, ვინც ზამთარში ამ საწებლის რეცეპტს მთხოვთ, ახლა გეუბნებით, ამის გაკეთების სეზონი ახლაა და არ დაიზაროთ, უადვილესია:
10 კილო პომიდორს ამოაჭერით ყუნწები, გადაჭერით შუაზე და ჩაყარეთ ქვაბში + 1 კილო გასუფთავებული სტაფილო, 2 კილო გათლილი, დაჭრილი ვაშლი, 2 კილო ბულგარული წიწაკა, 500 გრამი
მწარე წითელი წიწაკა, 1 კილო გაფცქვნილი ხახვი, 3 თავი ნიორი, ყველაფერი ერთად უნდა მოიხარშოს. რომ გაგრილდება დავაბლენდერებთ, დაუმატებთ მარილს გემოვნებით და 10 გრ (20 აბი) ასპირინს, ჩავასხამთ დამდუღრულ ქილებში ან ბოთლებში და ვინახავთ გრილ ადგილზე (გამოდის 20-22 ნახევარლიტრიანი)
მოკლედ, ეს საწებელი გემრიელია ხორცთან, კარტოფილთან და წიწიბურასთანაც კი. ასევე აგემრიელებს წვნიანებს და ბოლო-ბოლო პურთან ერთადაც შეგიძლიათ მიირთვათ, განსაკუთრებით მარხვაში. ახლა გეტყვით, რა დამიჯდა ეს "სიამოვნება": 10 კილო პომიდორი - 5 ლარი, 1 კგ. სტაფილო - 1 ლარი, 2 კგ. წითელი ბულგარული წიწაკა - 4 ლარი, მწარე წიწაკა - 2 ლ. ხახვი - 1 ლარი, ნიორი - 1 ლარი, მარილი - 30 თეთრი, ასპირინი - 50 თეთრი. სულ - 14 ლარი და 80 თეთრი. ერთი ნახევარლიტრიანის ფასი გამოგვივიდა დაახლოებით 67 თეთრი! ხომ ღირს თქვენი შრომა?!
ვაშლის ფასი გამომრჩენია + კიდევ 1 ლარი!!!”

კომენტარები

რუსუდან 2023-05-06 18:25
მეც ვაკეთებ.ეხლა ორჯერ მეტი დაჯდება ????????????????????????????????????????
რუსუდან 2023-05-06 18:24
ეხლა 2-ჯერ მეტი დაჯდება.მეც ვაკეთებ.????????????????????????
ირმა 2021-09-14 15:37
3 თავი ნიორი არ ეყოფა არაფრით
ფდჰჯ 2020-09-03 03:11
2017 წელს ძალიან იაფი ყოფილა ყველაფერი ???? ეხლა ერთი 40 ლარამდე დამიჯდა ????
lana 2020-08-27 20:35
ყოველთვის ვადუღებდი და მდუღარეს ვასხავდი და ვხუფავდი. წელს ასპირინი ვუყავი და მეორე დღეს სულ აიბერა. გავხსენი გემო პარგი აქ და რა ვქნა? წამოვადუღო თუ თავისით დაიდუღებს.იქნებ მიპასუხოთ

კომენტარის დამატება

მსგავსი სიახლეები