"შეღებვამდე 15 წუთით ადრე კვერცხი ცივ წყალში გააჩერეთ" -სანამ კვერცხების შეღებვას დაიწყებთ, ჯერ ამ რჩევებს გაეცანით - იდეალური ფერის ძველებური საიდუმლო


მალე სააღდგომოდ ყველა დიასახლისი კვერცხების ღებვის სამზადისს შეუდგება. ეს თითქოს ადვილი საქმეა, მაგრამ ახალბედა დიასახლისებს რამდენიმე რჩევას მაინც მივცემთ. მოგეხსენებათ, რასაც წელიწადში ერთხელ ვაკეთებთ, იმაში "დაოსტატებას" ვერ ვახერხებთ. თითქოს წინა წლის გამოცდილება მეორე წელს გვავიწყდება. ასე რომ, კვერცხების სრულყოფილად შესაღებად ეს რჩევები გაითვალისწინეთ.

1. შესაღებად ძალიან დიდი ზომის კვერცხებს ნუ აირჩევთ. საშუალო და ოდნავ მომცრო კვერცხს უფრო გამძლე ნაჭუჭი აქვს.
2. კარგია თუ შეღებვამდე 15 წუთით  ადრე ცივ წყალში ჩაალბობთ, კვერცხი არ აგიჭრელდებათ და თანაბრად შეიღებება. 
3. შესაღები ხსნარის მომზადება რამდენიმე

დღით ადრე დაიწყეთ, მაგალითად, სამშაბათს, რათა ფერი ბოლომდე გაიხსნას და კვერცხებმა უფრო მუქი შეფერილობა მიიღონ.
4. ზემოხსენებული არ ეხება კვერცხის ხელოვნურ საღებავებს, ისინი გაცილებით სწრაფად იხსნება, თუმცა გირჩევთ, ტრადიციული და ნატურალური ინგრედიენტები გამოიყენოთ.
5. დაჩეჩქვეთ 2-3 კონა ენდროს ფესვები და მოათავსეთ დაახლოებით 5 ლიტრის მოცულობის ემალირებულ ჭურჭელში (გაითვალისწინეთ, ამ ჭურჭელს ენდროს ფერს ვეღარ გააცლით). დაამატეთ ხახვის ფურცელი იმდენი, რომ ენდროსა და ფურცლის წილი 2:1 იყოს. ამ მასას დაასხით წყალი და დადგით ცეცხლზე. ადუღეთ დაახლოებით 45 წუთის განმავლობაში. პერიოდულად ამატეთ ხარშვისას დაკლებული წყალი. გააცივეთ და ისევ დადგით მოსახარშად. ასე გაიმეორეთ
3-ჯერ.
6. გაცივებულ ხსნარში ჩააწყვეთ კვერცხები. ეცადეთ, მოხერხებულად მოათავსოთ ენდროს ძირებსა და ხახვის ფურცლების მასაში. კვერცხები მაცივრიდან ერთი საათის გამოღებული მაინც უნდა იყოს, ანუ არა ძალიან ცივი. კვერცხის და ხსნარის ტემპერატურა ერთნაირი უნდა იყოს.
7. დადგით დაბალ ცეცხლზე. უნდა იხარშოს 10-15 წუთის განმავლობაში. თუ ხსნარში 1 სადილის კოვზ მარილს ჩაყრით და ცოტა ძმარს ჩაამატებთ, კვერცხების დასკდომის შანსი კიდევ უფრო შემცირდება.
8. მოხარშვის შემდეგ ცეცხლი ჩააქრეთ, მაგრამ მაშინვე ნუ ამოყრით კვერცხებს ქვაბიდან. 15-20 წუთით შიგნით დატოვეთ. ამის შემდეგ ამოალაგეთ, ცივი წყალი გადაავლეთ და რომ შეშრება, ჯეჯილში ჩააგორეთ.

თუ სხვა პრაქტიკულ და გამოცდილ ხერხებს თავად ფლობთ, კომენტარებში გაგვიზიარეთ.

კომენტარები

გოჩა 2021-04-28 16:32
ყველა კვერცხი რომ მუქად შეიღებოს, ჯობია სანამ ხსნარში ჩაალაგეთ, წყალს შეუშვიროთ და ღრუბლით გარეცხოთ. რადგანაც ზოგიერთი ფერმა კვერცხს ზეთიანი ნაჭრით ასუფთავებს.
თამრიკო მეგრელიძე 2021-04-26 21:21
ასე ვღებავდით და ვღებავთ დღემდე????????
მაია 2021-04-26 20:41
უტყუარი რეცეპტია,რაც თავი მახსოვს ასე ვღებავთ კვერცხს
ნია 2021-04-26 01:01
ხახვის ფურცელი არა ნიორი კიდევ. ენდრო+ძმარი+მარილი და ასე არც ქვაბი იღებება და არც ხელები
მანანა 2021-04-25 23:08
ბოლო ორ კომენტარს სრულად ვეთანხმები.რაც შეეხება ხსნარის წინასწარ მომზადებას, უკვე წლებია, პარასკევს დილით ერთხელ წამოვადუღებ ენდროიან წყალს, გავაცივებ და ვალაგებ კვერცხს.ერთი ან ორი ცალი შეიძლება ვარდისფერი დარჩეს - მე ეს მაინც ნაჭუჭის ბრალი მგონია.

კომენტარის დამატება

მსგავსი სიახლეები