სახლიდან მტვრის სრულიად და ერთხელ და სამუდამოდ მოშორება წარმოუდგენელი და შეუძლებელია, თუმცა თანამედროვე სამყაროში მტვერთან გამკლავების უამრავი ეფექტური საშუალება არსებობს. ამჯერად ჩვენ ბიუჯეტურ საშუალებებზე გავამახვილებთ თქვენს ყურადღებას.

გაგიკვირდებათ და თმის კონდიციონერი ძალიან კარგი საშუალებაა ავეჯის ზედაპირიდან მტვრის მოსაშორებლად და თან ისე, რომ ის კარაგ ხნის განმავლობაში აღარ გამოჩნდეს.

მტვრის საწმენდი ეფექტური სითხის გასაკეთებლად ერთი ჩაის კოვზი კონდიციონერი ერთ ლიტრ თბილ წყალში უნდა გახსნათ. ეს სითხე, გარდა იმისა, რომ კარგად გააპრიალებს თქვენს ავეჯს, სასიამოვნო სურნელსაც მიანიჭებს ირგვლივ ყველაფერს.

თუ სარეცხის კონდიციონერიც გაქვთ სახლში, იდენტური ეფექტური სითხის გაკეთება ამ საშუალებითაც არის შესაძლებელი. ნახევარი თავსახური დამარბილებელი საშუალება 1 ლიტრ წყალში, კარგად შეანჯღრიეთ და გაწმინდეთ არა მხოლოდ ავეჯი, ამ საშუალებით ფანჯრის მინებიც იდეალურად იწმინდება.