ექსპერტები დროთა განმავლობაში გაჩენილი ნადების მოცილებას უნიტაზიდან ძმრითა და სოდით გვირჩევენ.
ძმარი და სოდა უნდა შეურიოთ პასტის მსგავს კონსისტენციამდე, წაუსვათ ნარევი პრობლემურ ადგილებზე და დატოვოთ ნახევარი საათის განმავლობაში. განსაზღვრული დროის გასვლის შემდეგ დაამუშავეთ ჯაგრისით და ჩარეცხეთ გამდინარე წყლით.

ეფექტური საშუალებაა ასევე მარილის და ლიმონის წვენის ნაზავი. მიღებული სკრაბი წაუსვით ნადებს, დატოვეთ 5-10 წუთი და დაამუშავეთ ჯაგრისით.
ნადების მოშორების კიდევ ერთი საშუალებაა საცხობი სოდის, ძმრის და ბავშვის ზეთის ნაზავი. მცირე რაოდენობით საცხობი სოდა დაიტანეთ ნესტიან ქსოვილზე და გაწმინდეთ ნიჟარა, შემდეგ კი ზედაპირი დაამუშავეთ ძმრით და ბოლოს ბავშვის ზეთით.
უსიამოვნო სუნის თავიდან აცილებაში კი ჩვეულებრივი კბილის პასტა დაგეხმარებათ.

ჰაერის გამწმენდის გასაკეთებლად, დახვრიტეთ ნემსით კბილის პასტის ტუბი, შემდეგ კი მოათავსეთ იგი უნიტაზის ავზში. ყოველი ჩარეცხვისას ხვრელებიდან გამოედინება გარკვეული რაოდენობის პასტა, რაც ხელს შეუწყობს სანტექნიკის ზედაპირის ეფექტურად გაწმენდას და უსიამოვნო სუნის გაქრობას.