ქაღალდის ხელსახოცი ძალიან აქტიურად შემოიჭრა თანამედროვე ადამიანის ცხოვრებაში. ერთი შეხედვით ეს ძალიან მოსახერხებელია, თუმცა ამ ნივთით სარგებლობა ყოველთვის კარგ შედეგს სულაც არ ნიშნავს. ზოგიერთ შემთხვევაში ქაღალდის ხელსახოცი არათუ უსარგებლოა, საქმის გაუარესებაც კი შეუძლია. აი, რომელი ზედაპირების გაწმენდა არ შეიძლება ქაღალდის ხელსახოცით:

საჭრელი დაფა
ხშირად გინახავთ ალბათ, რომ მზარეულები ხორცის საჭრელ დაფას ქაღალდის ხელსახოცით წმენდენ, არადა, ქაღალდი სისხლს ვერ იწოვს და თავადაც ფაფისებურ მასად გარდაიქმნება.

ხის ავეჯი
ნატურალური ხის ავეჯს ნაპრალებიანი ზედაპირი აქვს, ქაღალდის ხელსახოცით გაწმენდის შემთხვევაში ცელულოზის ბოჭკოებმა შესაძლოა შეაღწიოს

ამ ნაპრალებში და მათი იქიდან ამოღება პრაქტიკულად შეუძლებელია.

ელექტრონული მოწყობილობები
ელექტრო ტექნიკა, გაჯეტები ის ნივთებია, რომელთა წმენდა ქაღალდის ხელსახოცით უბრალოდ მიუღებელია, მიუხედავად რბილი ტექსტურისა, ქაღალდმა ეკრანზე შესაძლოა მიკრო ნაკაწრები გამოიწვიოს. ელექტრო მოწყობილობებისთვის ერთადერთი უსაფრთხო საწმენდი საშუალება მიკროფიბრაა.

სათვალე
სათვალის ლინზები ასევე ძალიან მგრძნობიარე ქაღალდის ტექსტურის მიმართ, ქაღალდით გაწმენდის შემთხვევაში, გარდა იმისა, რომ არსებობს ლინზის დაკაწვრის საშიშროება, მას ასევე ედება ცელულოზას მტვერი, რომელიც ხელს უშლის ადამიანს მხედველობისას.

ხალიჩა
თუ ხალიჩაზე შემთხვევით რაიმე სითხე დაგექცათ, არავითარ შემთხვევაში არ სცადოთ მისის ქაღალდის ხელსახოცით გამშრალება. სველი ქაღალდი იშლება პატარ-პატარა ნაწილაკებად, რომელიც ქსოვილის ბოჭკოებში აღწევს, რაც სიტუაციას მხოლოდ ართულებს.

სარკე და ფანჯარა
თუ სარკეს ან ფანჯარას ქაღალდის ხელსახოცით გაწმენდთ, ეს იმას ნიშნავს, რომ საქმის ხელმეორედ გაკეთება მოგიწევთ. ქაღალდის ბუსუსები აუცილებლად დარჩება ზედაპირზე.

მანქანის სალონი
მანქანის სალონი ქაღალდის ხელსახოცით არასდროს გაწმინდოთ. ქაღალდი მტვერს ვერანაირად ვერ მოაშორებს.

შავი ფერის სამოსი
რაც არ უნდა მოხდეს, შავი ფერის სამოსის თეთრი ხელსახოცით გაწმენდა ნამდვილად ცუდი იდეაა. შავ ფერს ქაღალდის თეთრი ბუსუსები აუცილებლად დაეტყობა.