როგორ დავიცვათ თავი ხმაურიანი მეზობლებისგან

იმისათვის, რომ ადამიანმა საკუთარ სახლში თავი კომფორტულად იგრძნოს, ოჯახში უნდა იყოს არა მხოლოდ სითბო, არამედ სიმშვიდეც. ამიტომაც არის, რომ ხმის იზოლაცია დღითიდღე უფრო აქტუალური ხდება.
ალბათ ვერავინ იგრძნობს თავს კომფორტულად, თუ გამუდმებით მეზობლის ხმაური შეაწუხებს.
ხმის იზოლაციის მაჩვენებლის აწევა მარტივი ხერხებითაც არის შესაძლებელი.
ამისთვის სულაც არ არის საჭირო რთული საინჟინრო მანევრების ჩატარება.


1. მოაშორეთ ავეჯი კედლებს
კედელს მიბჯენილი ავეჯი ხმის მშვენიერი გადამცემია. საწოლის თავი კედელს ოდნავაც რომ მოაშოროთ, შედარებით ნაკლები ხმაური გამოვა მეზობელი ბინიდან.

2. ინტერიერს ხალიჩები დაუმატეთ
ფუმფულა ხალიჩები
ხმას ძალიან კარგად დაახშობს.

3. სქელი ფარდები
როგორც ხალიჩა, ფარდაც ძალიან კარგი საშუალებაა ხმის დასახშობად.

4. დარაბები
საკუთარ სახლს დარაბები მშვენივრად დაიცავს გარე ხმაურისგან.

5. ხმაური ქუჩიდან
ამ შემთხვევაში მხოლოდ დარაბები და სქელი ფარდები ვერ გიშველით, საჭიროა თავად ფანჯრებს გაუკეთდეს ხმის იზოლაცია.

6. ხმისდამხშობი საღებავი კედლებზე
დღესდღეობით ბაზარზე იყიდება სპეციალური საღებავები, რომელსაც ხმის დახშობა შეუძლია.

7. ტექსტურირებული ჭერი
ეს გახლავთ ჭერი პოპკორნის სტილში, რომელიც სპეციალური სპრეით მზადდება და ძალიან ეფექტურად უმკლავდება ხმაურს.

8. ოთახშორისი კარები
მჭიდრო ოთახშორის კარს ნამდვილად შესწევს უნარი დაახშოს ხმა.

9. ხმისდამხშობი საფენი
ეს ყველაზე რთული ვარიანტია, რომელიც მოითხოვს იატაკის აყრას და მის ქვეშ საფენის დაგებას.

კომენტარის დამატება