ბინის ყიდვა ძალიან ამაღელვებელი მოვლენაა, აღსავსე სასიამოვნო საქმეებით და სიახლეებით. თუ ახალშეძენილი ბინა ახალაშენებულ კორპუსში არ არის, წინა მფლობელებს შეეძლოთ ბევრი რამ დაეტოვებინათ. მსგავს შემთხვვვაში გირჩევთ ყველაფერი თავიდან მოიშოროთ, რადგან სარგებლის ნაცვლად, ასეთი საყოფაცხოვრებო ნივთები დიდ პრობლემას შეგიქმნით. რა თქმა უნდა, ძველი ნივთების მოშორებას დრო და ძალისხმევა სჭირდება, მაგრამ ეს მნიშვნელოვანი ნაბიჯია ახალ სახლში კომფორტული და უსაფრთხო გარემოს შესაქმნელად.

რბილი ავეჯი
დივნები, სავარძლები, ლეიბები ნამდვილი მტვრის ბუდეა. ეს ნივთები აგროვებს არა მხოლოდ მტვერსა და ჭუჭყს, არამედ მიკროსკოპულ ტკიპებსაც, რომლებიც ალერგიას და ჯანმრთელობის სხვა პრობლემებს იწვევენ. უმჯობესია არ დატოვოთ ასეთი ნივთები და სახლი საკუთარი გემოვნებით მოაწყოთ. თუ ავეჯის გადაყრა არ ხერხდება, შეგიძლიათ გამოიყენოთ ქიმწმენდის მომსახურება, მაგრამ ეს არ იძლევა ჭუჭყისა და პათოგენური მიკროორგანიზმების სრულ განადგურების გარანტიას.

თეთრეული
ბალიშები, საბნები და პლედები აგროვებს მტვერს, ოფლს და კანის მკვდარ უჯრედებს. ასეთ საწოლზე ძილი შეიძლება საზიანო იყოს თქვენი ჯანმრთელობისთვის. ძველი თეთრეული უნდა გადაყაროთ სინანულის გარეშე და შეიძინოთ ახალი. ეს არც ისე დიდი დანაკარგია შესაძლო ჯანმრთელობის პრობლემებთან შედარებით.

ფარდები და ხალიჩები
ინტერიერის ეს ნივთები ასევე ითვლება ძლიერ მტვრის აკუმულატორებად. გარდა ამისა, ისინი შთანთქავენ სუნს და ინარჩუნებენ ბინის წინა მცხოვრებთა ცხოვრების კვალს. ფარდების რეცხვა და ხალიჩების გაწმენდა ნაწილობრივ დაგეხმარებათ პრობლემის მოგვარებაში, მაგრამ ყოველთვის არ მოაქვს სასურველი შედეგი. უმჯობესია ასეთი საყოფაცხოვრებო ნივთები თქვენი გემოვნებით შერჩეული ახალი ნივთებით ჩაანაცვლოთ. მხოლოდ ამ შემთხვევაში იქნება შესაძლებელი ბინაში სასურველი ატმოსფეროს შექმნა.

ხის ნაწარმი და ავეჯი
ხე არის ფოროვანი მასალა, რომელსაც შეუძლია სუნის, ტენიანობის შთანთქმა და წინა მფლობელების ენერგიის დაგროვება. ძველი კარადები, კომოდები, სკამები, განსაკუთრებით თუ ისინი მაღალი ტენიანობის პირობებში იყო შენახული, შეიძლება გახდეს ობისა და სოკოს გამრავლების კერა, რაც უარყოფითად აისახება მაცხოვრებლების ჯანმრთელობაზე. გარდა ამისა, მავნებლები ხშირად ჩნდებიან ძველ ხის ავეჯში. როდესაც ასეთი ნივთების მდგომარეობა საეჭვოა, უმჯობესია მათგან თავის დაღწევა. თუ გადაწყვეტთ ანტიკვარული ან ძვირფასი ხის ავეჯის დატოვებას, რეკომენდებულია მისი დამუშავებისა და აღდგენისთვის სპეციალისტებთან დაკავშირება.

ძველი საყოფაცხოვრებო ტექნიკა
მაცივარი, სარეცხი მანქანა, ქურა - თუ წინა მფლობელებმა ძველი საყოფაცხოვრებო ტექნიკა დატოვეს, ღირს მათი მდგომარეობის შეფასება. როდესაც მოწყობილობები ძველი, გაცვეთილია და ბევრ ელექტროენერგიას მოიხმარს, უმჯობესია თავიდან მოიშოროთ, ეს დაზოგავს კომუნალურ გადასახადებს და უზრუნველყოფს კომფორტს და უსაფრთხოებას ბინაში. თუ საყოფაცხოვრებო ტექნიკა კარგ მდგომარეობაშია, შეგიძლიათ დაიტოვოთ, მაგრამ გამოყენებამდე საფუძვლიანად გაწმინდეთ და დეზინფექცია ჩაუტარეთ.