დიდი სამზარეული ისეთი ფუფუნებაა, რომელიც ყველას როდი აქვს. ჰოდა, ძაან ბევრ დიასხლისს აქვს პრობლემა იმასთან დაკავშირებით, თუ როგორ განათავსოს ყველაფრი მოხერხებულად შეზღუდულ სივრცეში, როგორ განალაგოს ინვენტარი ისე, რომ სივრცე ვიზუალურად დიდი გამოჩნდეს.
არადა, სამზარეულო ის ადგილია, სადაც ოჯახი ერთად იკრიბება და სიმყუდროვე და კომფორტის შეგრძნება ყველაზე მეტად სჭირდება.
თუ ამის საშუალება არის და გინდათ, რომ სამზარეულო მაქსიმალურად ფუნქციური გქონდეთ, იქნებ უარი თქვათ კედლებზე და სამზარეულო მხოლოდ ერთ კედელზე განათავსოთ.

ამ შემთხვევაში ძალიან მნიშვნელოვანია ვენტილაცია. როდესაც სამზარეული გადატიხრული არ არის, კარგი ვენტილაციის გარეშე სახლში სუნი დადგება, რაც არც ისე სასიამოვნოა.

შეზღუდულ სივრცეში ყოველთვის ჯობს შეიძინოთ მრავალფუნქციური ტექნიკა, ვიდრე სხვადასხვა სახეობის. მაგალითად, არსებობს საკმაოდ მრავალფუნქციური მიკროტალღური ღუმელი და ამასათანავე საკმაოდ კომპაქტურია.
მეტად კომფორტული სამუშაო ზონის შესაქმნელად შეგიძლიათ ნიჟარის და გაქზურის ზედაპირი გააერთიანოთ. იფიქრეთ სამუშაო ზედაპირის და ფანჯრის რაფის ბევრად რაციონალურად გამოყენებაზე. ეს სივრცის დაზოგვაში სერიოზულად დაგეხმარებათ.

უპირატესობა მიანიჭეთ ვიწრო კარადებს და ეცადეთ მაქსიმალურად აითვისოთ ვერტიკალური სივრცეც.
ასევე ბევრად მოხერხებულია ტრანსფორმერი ავეჯი, რომელიც აკეცილ მდგომარეობაში შედარებით ნაკლებ ადგილს იკავებს.
სწორად შერჩეულ ავეჯს ნამდვილად ძალუძს სივრცის ვიზუალურად გადიდება, ბევრი ავეჯი კი ინტერიერს გადატვირთულად აქცევს.
ამასთან, არ დაგავიწყდეთ ღია ფერის კედლები და კარგი განათება სამზარეულოში, ასევე ის, რომ ერთიანი სამზარეულო გარნიტური არც ისეთი აქტუალურია, როგორც ადრე იყო.