ფრანსუა-ქსავიე ლალანის იშვიათი ავეჯის ნიმუში შლუმბერჟეს კოლექციიდან სოთბის ნიუ-იორკის პირველი დიზაინის აუქციონის მთავარი ლოტი იყო. დიზაინერული ჰიპოპოტამის ფორმის ბარის საწყისი ფასი 7 მილიონი დოლარი გახლდათ.

სოთბიმ გამოაცხადა საერთაშორისო აუქციონების სერია, რომელზეც წარმოადგინა ცნობილი ფრანგული ოჯახის მემკვიდრის, ანა შლუმბერჟეს კოლექციის საგანძური, სალვადორ დალის სიუერეალისტური ყელსაბამი, კლოდ მონეს ნახატი და ფრანგი დიზაინერების კლოდ და ფრანსუა-ქსავიე ლალანების იშვიათი ადრეული ნამუშევრები. ფრანსუა-ქსავიე ლალანის მიერ შესრულებული კლოდ მონეს პეიზაჟი და ჰიპოპოტამის ფორმის სპილენძის ფილა აუქციონზე, მთავარი ღირსშესანიშნაობა იყო.



კოლექციონერი ლალანებს პირველად 1970-იან წლებში საფრანგეთში შეხვდა და მათი ერთ-ერთი პირველი მფარველი გახდა. ენმა შეუკვეთა "ჰიპპო"-ს ფილა, რომელიც ფრანსუა-ქსავიე ლალანმა ხელით დაამზადა და სპილენძისგან შექმნა რთული ნიშები მბრუნავი ბოთლების თაროთი, ყინულის ვედროთი, საჭმლის უჯრით და ჭიქების შესანახი ჭიქებით.


"ბარი ასახავს ენის ცხოველებით გატაცებას. შთაგონებულია მისი აფრიკაში მოგზაურობით, 1970-იან წლებში", - თქვეს მისმა ვაჟებმა და გაიხსენეს, თუ როგორ იყენებდა ის ჰიუსტონში ამ ბარს. "ეს სახლის გული იყო და სადღესასწაულო წვეულებების დროს სავსე იყო სასმელებითა და მხიარულებით".



მიუხედავად იმისა, რომ სოთბის აუქციონმა ნამუშევარი 7 მილიონ დოლარად შეაფასა, ლალანის ნამუშევრების ბოლოდროინდელი გაყიდვების საფუძველზე, მოსალოდნელია, რომ ის გაცილებით მეტ ფასად გაიყიდება. ივნისში, ფრანსუა-ქსავიეს მიერ შექმნილი მარტორქის ფორმის მაგიდა, რომელიც 1964 წელს არის შექმნილი, ნიუ-იორკში, 16,4 მილიონ დოლარად გაიყიდა, ხოლო სირაქლემას ფორმის ბარი პარიზში დაახლოებით 12 მილიონ დოლარად გაიყიდა. "ლალანის ნამუშევრებში არის რაღაც ადამიანური, რაც მას ცნობადს და მიმზიდველს ხდის", - აღნიშნავს ჯოდი პოლაკი. "მარტივად რომ ვთქვათ, ის ყოველთვის გაღიმებთ და განწყობას გიმაღლებთ".