ინტერიერის დიზაინი, რომელიც საუკუნეების განმავლობაში ადამიანების საჭიროებების შესაბამისად ვითარდებოდა, დღეს ბევრად მეტს მოიცავს, ვიდრე მხოლოდ ესთეტიკაა. ის აერთიანებს ფუნქციურობას, ტექნოლოგიურ შესაძლებლობებს, ეკომეგობრულობასა და ფსიქოლოგიურ ასპექტებსაც კი.

დეველოპერული კომპანია "მეტროპოლი" 2025 წლის ინტერიერის დიზაინის აქტუალურ ტრენდებს გვიზიარებს, რომლებიც თანამედროვე საცხოვრებელი სივრცის მოწყობის სრულიად ახალ ხედვად აყალიბებს. მაგალითად, დღეს თანამედროვე ინტერიერში უდიდესი მნიშვნელობა ენიჭება ბუნებრივ განათებას. ფანჯრიდან შემოსული მზის სინათლე სივრცეს ვიზუალურად ადიდებს, ინტერიერს ჰარმონიულს ხდის და, ამასთანავე, ენერგოეფექტურია. არანაკლებ მნიშვნელოვანია მისი დადებითი გავლენა ადამიანის ფსიქიკურ და ფიზიკურ ჯანმრთელობაზე – მზის შუქი აუმჯობესებს ძილის რეჟიმს, ამაღლებს განწყობას და ამცირებს სტრესს. როდესაც ბუნებრივი განათება საკმარისი არ არის, რეკომენდებულია ენერგოეფექტური LED სანათების გამოყენება.

ამასთან ერთად, დიზაინერები სულ უფრო ხშირად იყენებენ ისეთ ბუნებრივ მასალებს, როგორებიცაა, სერტიფიცირებული ხე, რომელიც ჩO2-ს შთანთქავს და სითბოს ინარჩუნებს, ქვა, რომელიც გამძლეა და ტემპერატურის ბუნებრივ რეგულაციას უზრუნველყოფს და ბამბუკი, როგორც სწრაფად მზარდი და ეკომეგობრული ალტერნატივა.

საინტერესო მიდგომაა ძველი ნივთების "შესაძლებლობად" გარდაქმნაც. მაგალითად, მოძველებული კარის სასადილო მაგიდად გამოყენება, რესურსებს ზოგავს და სივრცეს ინდივიდუალურ შტრიხებს სძენს.

აღსანიშნავია ისიც, რომ საცხოვრებელი სივრცისადმი დამოკიდებულება, პანდემიის შემდეგ, საგრძნობლად შეიცვალა. სახლმა ერთდროულად შეითავსა საცხოვრებელი სივრცის, ოფისისა თუ სკოლის. შესაბამისად, ბოლო წლების ისევე, როგორც 2025 წლის ერთ-ერთ წამყვან ტრენდად მოქნილი და ტრანსფორმირებადი სივრცეების შექმნა და შესაბამისი ავეჯის გამოყენება სახელდება.

სახლის მოწყობა პირდაპირ აისახება ჩვენს ჯანმრთელობასა და კეთილდღეობაზე. ხშირად შიდა სივრცეში ჰაერი უფრო დაბინძურებულია, ვიდრე გარეთ, ამიტომ იმ მცენარეების ინტეგრირება ინტერიერში, რომლებიც ტოქსინებს შთანთქავს და ჟანგბადს გამოყოფს, სულ უფრო და უფრო აქტიურად ხდება.

არანაკლებ ყურადსაღებია ხმაურის ფაქტორი — რბილი ზედაპირები, ხალიჩები, ფარდები და ხის პანელები ეფექტურად შთანთქავს ბგერებს, რაც მშვიდი და სტაბილური გარემოს შექმნას უწყობს ხელს.

დაბოლოს, ბინის ინტერიერის დიზაინი ფერების შერჩევის გარეშე წარმოუდგენელია. ბოლო პერიოდში ფერებს მათი ეფექტისა და ფსიქოლოგიური ასპექტების მიხედვით ირჩევენ. მაგალითად, ლურჯი ფერი სიმშვიდესთან და კონცენტრაციასთან, ყვითელი კი სიხარულსა და ოპტიმიზმთან ასოცირდება.

2025 წლის მთავარ ტრენდად მიწისფერი ტონები – თბილი ყავისფერი, ბეჟი, ოქროსფერი – სახელდება, რომლებიც მყუდრო, ჰარმონიულ და ბუნებასთან დაახლოებულ ატმოსფეროს ქმნის.

"მეტროპოლი" – თანამედროვე ცხოვრების ხარისხისთვის
ინტერიერის დიზაინი მუდმივად განვითარებადი სფეროა, რომელიც სცდება მხოლოდ ესთეტიკურ ჩარჩოებს და სულ უფრო მეტად ორიენტირებული ხდება ადამიანის ჯანმრთელობასა და კომფორტზე.
"მეტროპოლი" იზიარებს ამ მიდგომას და მიზნად ისახავს ისეთი საცხოვრებელი პროექტების განხორციელებას, რომლებიც ფიზიკური და მენტალური კეთილდღეობისთვის ხელსაყრელ, ფუნქციურ და კომფორტულ გარემოს ქმნის.

ამგვარი მიდგომა და თანამედროვე ცხოვრების სტილზე მორგებული სივრცეების შექმნის სურვილი "მეტროპოლის" ყველა პროექტში იკითხება. კომპანიის მრავალფეროვანი პორტფოლიო მოიცავს პროექტებს როგორც დედაქალაქის სხვადასხვა უბანში, ისე მის ფარგლებს გარეთ, კერძოდ, ზღვისპირა ქალაქ ბათუმში.

თითოეული პროექტი სხვადასხვა ტიპის ცხოვრების სტილზეა მორგებული. მაგალითად, აქტიური ცხოვრების მოყვარულთათვის საბურთალოზე ,,მეტროპოლ ქავთარაძე" შენდება. ამასთან, მათთვის, ვინც ოჯახურ სიმყუდროვესა და ბუნებასთან სიახლოვეს ეძებს, კომპანია პროექტებს ბაგებსა და ლისზე ახორციელებს. დეველოპერული კომპანია მაქსიმალურად ცდილობს თბილისის ისტორიული ნაწილის პოტენციალის ათვისებასაც და აქ ,,მეტროპოლ ორთაჭალას" უდგას სათავეში.

რაც შეეხება ბათუმს, ქალაქში სამი პროექტი მიმდინარეობს —"მეტროპოლ კუბი", "მეტროპოლ ოვალი" და ახალი "პარალელი" — და აქ საინვესტიციო სეგმენტის აპარტამენტები იქნება ხელმისაწვდომი.

კომპანია მიისწრაფვის შექმნას არა მხოლოდ კომფორტული საცხოვრებელი, არამედ სრულფასოვანი გარემო, რომელიც ხშირად მოიცავს კეთილმოწყობილ სარეკრეაციო ზონებს, საბავშვო და სპორტულ მოედნებს.
Rl