ეს ის სახლია, სადაც ბოლო პერიოდში საქართველოს ექს-პრეზიდენტი ცხოვრობს და საიდანაც ერთვება ლაივში.

ერთსართულიანი სახლი შედგება ერთი დიდი ოთახისგან, ორი საძინებლისა და ერთი აბაზანისგან.
სახლი მიხეილ სააკშვილის დედის საკუთრებაა. როგორც საქართველოს ყოფილი პრეზიდენტი ამბობს, სახლის მშენებლობა 2,5 წლის წინ მისმა ნათესავებმა დაიწყეს. თუმცა სამშენებლო პროცესი ჯერ არ დასრულებულა, ჯერ მხოლოდ 120 კვადრატული მეტრი საცხოვრებელი ფართია მზად.

ნაკვეთის საერთო ფართი 550 კვ. მეტრია. ნაკვეთი კიევის მახლობლად ერთ-ერთ ელიტურ დასახლებაშია.
როგორც უკვე აღვნიშნეთ, სახლი ერთსართულიანია და როგორც თავად მიხეილ სააკაშვილი აცხადებს, მას მეტი სართული არაფერში სჭირდება, რაც ჭირდება, ყველაფერი აქვს.



როგორც სააკაშვილი ამბობს, ეს სახლი საუკეთესო რამ არის, რაც მას პოლიტიკაში მოღვაწეობის 25 წლის ისტორიაში გაუკეთებია.

ინტერიერი პასტელის ფერებშია, თუმცა თვალში საცემია აქცენტები, კერძოდ ფერადი ხალიჩა და ცნობილი იტალიელი დიზაინერის, ალესანდრო მენდინის ხელით შექმნილი ულამაზესი სავარძელი. ეკლექტური ფერთა გამა ლასკუტებით გეომეტრიულ ფიგურებში გარდაიქმნება და ორიგინალურად გამოიყურება.  სავარძლის სიგრძე 105 სმ-ია, სიგანე - 93 სმ, საზურგის სიმაღლე 42 სმ. სავარძელი 50 კგ-ს იწონის. ფასი საშუალოდ 14 ათასი ევროა.