სახლი არის ადგილი, სადაც მისი მფლობელის ენერგია ყველაზე მეტად არის კონცენტრირებული. ის ორი მიმართულებით მოძრაობს - აძლევს ადამიანს ძალას და ართმევს მას. ეს გახლავთ ერთგვარი ენერგიის გაცვლა. სწორედ ამიტომ უნდა მოიშოროთ ზოგიერთი ჩვევა, რათა სახლში კომფორტულ პირობებში იყოთ.

ატმოსფერო, სადაც ყველა ისჯება, ბრაზდება და შეურაცხყოფს ერთმანეთს, არ არის სახლისთვის სიკეთის მომტანი. ასეთ გარემოში რთულია სანდო, თბილი ურთიერთობების დამყარება. ეცადეთ, საკამათო საკითხები სერიოზულ კონფლიქტამდე არ მიიყვანოთ. ისწავლეთ საკითხების მშვიდად მოგვარება.

მიმოფანტული ნივთები, ჭუჭყიანი ჭურჭელი, უადგილო საგნები - ეს ყველაფერი ქაოსის ენერგიას მატებს სივრცეს. არეულ, ბინძურ სახლში ადამიანი თავს უსაფრთხოდ და კომფორტულად ვერ იგრძნობს. 


 მზის სინათლისა და სუფთა ჰაერის გარეშე ადამიანს გაუჭირდება განვითარება. მუდმივად დახურულმა ფანჯრებმა შეიძლება გამოიწვიოს დეპრესიული განწყობა და შფოთვის განვითარება. ყოველდღე შეუშვათ მზის ენერგია სახლში, რათა ის სინათლით, სითბოთი და სიხარულით აავსოთ. რეგულარულად გაანიავეთ - ეს დაგეხმარებათ აზრების განახლებაში.

ყველაფერი, რაც უკვე გაცვეთილია, დაბზარულია, მოძველებულია და გამოუყენებელია, სინანულის გარეშე გადააგდეთ. სახლში ასეთი ნივთების შენახვა არ გჭირდებათ. ისინი მხოლოდ ნეგატივს აგროვებენ. ძველი ნივთები უკვე ისტორიას ჩაბარდა, წარსული გამოცდილებაა მათშია ჩადებული. ძველი ნივთების დაგროვება ხელს უშლის სახლში ახალი ენერგიის შემოსავლას.

მაშინაც კი, თუ არ გჯერათ გარკვეული ნივთების ჯადოსნური თვისებების და მხოლოდ ესთეტიკისთვის იყიდეთ, ფრთხილად იყავით, ზოგიერთ ატრიბუტს შეუძლია სახლის ენერგიის  დაბინძურება. ამგვარად, დაუფიქრებლად შერჩეული ნივთი გამოიწვევს ხშირ თავის ტკივილს, ჩხუბს, ჯანმრთელობის გაუარესებას, სიყვარულში წარუმატებლობას, ფულობას.


ოთახის ყვავილები ჯანმრთელობის, ზრდისა და ძალის სიმბოლოა. ისინი ყოველთვის კარგ მდგომარეობაში უნდა იყოს, ლამაზი ფოთლებით. შეამოწმეთ, არის თუ არა კავშირი თქვენს ცუდ ჯანმრთელობასა და გამხმარი ყვავილების არსებობას შორის? თუ მცენარე თქვენთვის ძალიან ძვირფასია, მაშინ შეეცადეთ განკურნოთ და ფრთხილად მოუაროთ. უკიდურეს შემთხვევაში, თავისუფლად გადააგდეთ და, საჭიროების შემთხვევაში, ახალი შეიძინოთ.

სუვენირები იმ ადამიანებისგან, ვისთანაც სხვადასხვა მიზეზის გამო დღეს არ ურთიერთობთ, წაგართმევთ უსაფრთხოებისა და მხარდაჭერის ენერგიას. მათ შეუძლიათ მეგობრობის სექტორის დარღვევა, თავისუფლად გადააგდეთ ის ნივთები, რომლებიც იმ ადამიანებმა გაჩუქეს, ვისთანაც ახლა ცუდი ყრთიერთობა გაქვთ.

კედელზე გარდაცვლილი ნათესავების პორტრეტები შეიძლება ენერგიას გწოვდეთ. ეს ზოგჯერ სისუსტეს, თავის ტკივილს და დანაშაულის უსაფუძვლო გრძნობას იწვევს. განსაკუთრებით თუ ფოტოები საძინებელში ან მისაღებ ოთახშია. უმჯობესია, ბებია-ბაბუის ფოტოები ცალკე ალბომში შეინახოთ, მათ მზერასთან პირდაპირი კონტაქტის გარეშე.