ნინო კასრაძის ულამაზესი სახლი და ეზო ქალაქგარეთ, სადაც უკვე 14 წელია ცხოვრობს


მსახიობმა ნინო კასრაძემ დიდი ხანია დედაქალაქის ხმაურს ქალაქგარეთ ცხოვრება არჩია. მან თავის კერძო სახლში გადაცემა "სხვა შუადღეს" უმასპინძლა და ინტერვიუც მისცა.

- დიდიხანია ქალაქგარეთ ცხოვრობთ?
- ალბათ, 14 წელი. მე ძალიან მომწონს აქ ცხოვრება და ახლა ვხედავ, რომ ნელ-ნელა სხვებსაც უფროდაუფრო მოსწონს ქალაქგარეთ ცხოვრება.

- მარტო ყოფნა გიყვართ?
-ხან კი, ხან არა.

-სახლის გარდა ყველაზე დიდ დროს სად ატარებთ?
-თეატრში, გადაღებებზე...

-მებაღეობითაც ხართ დაკავებული?
- დიახ, შეუძლებელია აქ იცხოვრო და არ იყო რაღაც დოზით ამ პროცესში ჩართული. ჩემთვის ძალიან სასიამოვნოა.

-რომ
არა მსახიობი, ვინ იქნებოდით?

-რომ არა მსახიობი, ისევ მსახიობი ვიქნებოდი. რაც არ უნდა გამეკეთებინდა, აინც ვფიქრობ, რომ ხელოვნებასთან ახლოს ვიქნებოდი.

-გაქვთ ყველაზე მნიშვნელოვანი როლი, რაც ცხოვრებაში გითამაშიათ?
-მე მგონია, რომ ყველა როლი, რაღაც ეტაპისთვის, მნიშვნელოვანი იყო. ყველამ დაამშვენა რაღაც პერიოდი.

-ზებუნებრივი ძალა რომ გქონდეთ, რა ძალა იქნებოდა?
-ზებუნებრივი არა, მაგრამ მე მინდა, რომ ვმღეროდე. ვიყო ოპერის მომღერალი.

-სახლში ცხოველები გყავთ?
-ორი ძაღლი მყავს.

-საჭმელს აკეთებთ?
-ვაკეთებ.
-ბოლოს რა გააკეთეთ?
-რავიცი, ყოველდღე ჩემს შვილს საუზმეს ვუმზადებ, ისე კარგად ვამზადებ.

-რომელ წიგნს გადაიკითხავდით ბევრჯერ?
-მე მგონია, რომ მარკესის მოთხრობებს, რაშიც ნობელი პრემია აიღო, აუცილებლად გადავიკითხავ.

-არის ისეთი წიგნი, რამაც ბავშვობაში თქვენზე დიდი შთაბეჭდილება მოახდინა?
-ბავშვობაში არა, მაგრამ ცოტახნის წინ სალმან რუშდის ,,ეშმაკეული აიები" წავიკითხე და უდიდესი შთაბეჭდილება მოახდინა ჩემზე.

-რა გახარებთ ყველაზე მეტად?
-პირველ რიგში, ჯანმრთელობა, კარგი დიაგნოზი ცუდი შიშის დროს და ადამიანური გულმოწყალება.

-რას მიიჩნევთ თქვენს ცხოვრებაში ყველაზე დიდ მიღწევად?
-ოჯახს.

-სიყვარული ყველას უნდა?
-კი, ვისაც არ უნდა, მათაც უნდათ, მაგრამ ეშინიათ.

-არის რამე, რასაც არასდროს გააკეთებთ?
-მემგონი უზნეობას არ ჩავიდენ. მაგრამ, ,,არასოდეს თქვა არასოდესო".

-რომელი მსახიობი იქნებოდა თქვენი ახლო მეგობარი?
- მერილ სტრიპი.

-ის, რასაც ყველაზე მეტად აფასებთ ადამიანებში
-გულწრფელობას.

-არის რამე, რასაც ნანობთ?
-დიახ, ძალიან ხშირად, უარს ვამბობდი რაღაც შემოთავაზებებზე. იქ ჩემი მეგობრები თამაშობდნენ, რომლებიც აღარ არიან ცოცხლები და კარგი იქნებოდა, მათთან ერთად მეთამაშა.

-საუკეთესო რჩევა, რაც მიგიღიათ
-ჩემმა მასწავლებელმა მითხრა ერთხელ, ,,ეჭვიანი ნუ იქნები ჩვენს პროფესიაში, ეს ძალიან ცუდიაო". არაჩვეულებრივი რჩევაა. ეჭვიანობა ყველასთვის საშინელებაა.

-ყველაზე ბედნიერი წუთი თქვენს ცხოვრებაში
-ჩემი შვილების დაბადება ბედნიერებაა. მე მგონია, რომ კიდევ გვექნება ბედნიერი წუთები.

- რა არის ბედნიერება?
-ჰარმონიის განცდა, სამყაროსთან ერთიანობა, როდესაც მეტი არაფერი გინდა და კარგად ხარ. შეიძლება ტახტზე იყო წამოგორებული ახლობელ ადამიანთან ერთად და ტელევიზორს უყურებდე. სიმშვიდის განცდა არის ბედნიერება.

კომენტარის დამატება

მსგავსი სიახლეები