ხშირად გიფუჭდებათ საკვები და პროდუქტები და გადასაყრელი ხდება? - გადახედეთ ამ რჩევებს

გამოკვლევების თანახმად, ამერიკაში ოჯახების უმეტესობა წელიწადში დაახლოებით 1 600 დოლარის მზა პროდუქტებს ყრის. ჩვენთან ეს მასშტაბი არ არის, თუმცა ნაგავსაყრელზე ჩვენც საკმაო რაოდენობით საკვებს ვუშვებთ. როგორ უნდა მოვიქცეთ, რომ ეს პრობლემა მოვაგვაროთ და ზედმეტი დანაკარგების გარეშე ვიცხოვროთ?

1. ზიპ პაკეტები

ზოგიერთები მიჩვეულები არიან, რომ ბოსტენულის ნარჩენებს მაშინვე ყრიან ხოლმე, მაგალითად ნახევარ სტაფილოს, პატარა კომბოსტოს, თუმცა, თუ გონივრულად მოვიქცევით შესაძლებელია მათ გამოყენება, მაგალითად საუცხოო ბოსტნეულის წვნიანის მომზადება შესაძლებელია. უბრალოდ შეინახეთ ეს ნარჩენები ზიპ პაკეტებში, რომელიც ძალიან კომფორტული და კომპაქტურია.

2. ბლენდერი

ბლენდერის საშუალებით წინა დღის
წვნიანის საოცარი კრემ-სუპად გადაქცევაა შესაძლებელი. დააბლენდერეთ მასა და დაუმატეთ ცოტა წყალი ან ნაღები, გემრიელი სადილი მზად იქნება.

3. ხილის საშრობი

მსგავსი საშრობი თუ გაქვთ, ძველი ხილის გადაყრა აღარ მოგიწევთ, შესაძლბლობა გექნებათ გააკეთოთ ჩირი, ეს იაფიც იქნება და ამავდროულად ძალიან სასარგებლოც. საამისოდ ღუმელის გამოყენებაც შეგიძლიათ, შედეგი თითქმის იგივეა, მაგრამ მსგავსი მოწყობილობა ბევრად სწრაფი და კომფორტულია.

4. კონტეინერები

საკვების რაციონალურად გამოყენება წარმოუდგენელია ჰერმეტული ჭურჭლის გარეშე. ასე რომ, კონტეინერი ის ნივთია, რომელიც ყველა დიასახლისს უნდა ჰქონდეს სამზარეულოში.

5. გეგმა
საკვების გაფუჭების და გამოუყენებლობის მთავრი მიზეზი გახლავთ ის, რომ პროდუქტს არაგეგმიურად ვყიდულობთ. წესად გაიხადეთ ჩამოწეროთ მხოლოდ ის პროდუქტები, რომელიც ზუსტად იცით, რომ გჭირდებათ.

6. სასწორი

ეს მოწყობილობა დაგეხმარებათ იმაში, რომ პროდუქტი ბევრად რაციონალურად გამოიყენთ, ზედმეტი დანახარჯის გარეშე.

7. კალათა

ბევრმა დიასახლისმა არც კი იცის, რომ ბევრი პროდუქტის შენახვა მაცივარში არც კი შეიძლება, კალათა კი იდეალური საშუალებაა ასეთი პროდუქტების უვნებლად შესანახად, ამიტომ ყველა სამზარეულოში უნდა იყოს კალათა ბოსტენულისთვის.

8. ყინულის ფორმები

ყინულის ფორმას ძირითადად წყლის გასაყინად ვიყენებთ ხოლმე, თუმცა მისის გამოყენება უფრო რაციონალურად შეიძლება. მაგალითად შეიძლება მასში დაჭღილი მწვანილი გაიყინოს და უკვე მზა კერძში გამოიყენოთ, ეს სწრაფი მეთოდიც არის და თან ძალიან პრაქტიკული.

კომენტარის დამატება

მსგავსი სიახლეები