ნიკა ყაზიშვილი ერთადერთი ადამიანია საქართველოში, რომელიც სპეციალურად ბავშვების დასაცავად ფანჯრის გისოსებს ამზადებს. ეს ჩვეულებრივი რკინის გისოსი არ არის, რომელსაც კედელში ჩაბეტონება სჭირდება. ბავშვის უსაფრთხოებისთვის შექმნილი ეს კონსტრუქცია შეგიძლიათ სურვილისამებრ, მარტივად დაამაგროთ ფანჯარაზე და ასევე ადვილად მოხსნათ. ეს გისოსი ქართველი მოხმმარებლისთვის ჯერაც უცხოა. იგი მეტალოპლასტმასის ფანჯრებზე მაგრდება და განსაკუთრებით კომფორტულია მშობლებისთვის.

როგორც mshoblebi.ge-სთან საუბარში ნიკა აღნიშნავს, გისოსების გაკეთების მას შემდეგ დაიწყო, რაც ორი წლის წინ ინტერნეტში, უცხოურ საიტზე თანამედროვე გისოსების დამზადების შესახებ გაიგო.
"იმდენად მომეწონა და პრაქტიკული მომეჩვენა, რომ მე ვითონაც  გამიჩნდა გაკეთების სურვილი. ორ წელია ვაკეთებ, თუმცა მოთხოვნა არც თუ ისე დიდია, რადგან ბერმა არც იცის, რომ ასეთი რამ კეთდება ჩვენთან, არადა სხვა ქვეყნებში ამ მეთოდს ხშირად იყენებენ და მსოფლიოში ცნობილი ონლაინ საიტებითაც არის მისი შეძენა შესაძლებელი.



მე, ძირითადად, მშობლები მიკვეთავენ 4-5-6-წლამდე ბავშვებისთვის. იმ ოთახებში ამაგრებენ, სადაც ბავშვი ხშირად იმყოფება და ადვილად უახლოვდება ფანჯარას. რაც შეეხება გისოსების ზომას, მისი სიმაღლე დამოკიდებულია დამკვეთის სურვილზე, ხოლო სიგანე - ფანჯრის სიგანეზე. გისოსების მოხსნა ნებისმიერ დროს არის შეასძლებელი, რადგან დასაშლელ კონსტრუქციას წარმოადგეს და 200 კილომდე დატვირთვას უძლებს".


რუსკა კილასონია

რას ჰყვება ექიმი, რომელმაც მერვე სართულიდან გადმოვარდნილი ბავშვის სიცოცხლე გადაარჩინა