ბოლო დღეებში სოციალურ ქსელში აქტიურად ვრცელდება ფოტოები, რომლებზეც ჩანს, რომ ნარიყალის ძირას სამუშაოებია გაჩაღებული, მძიმე ტექნიკის თანხლებით.  "რას აშენებენ ნარიყალას ქვეშ, იცის ვინმემ?" - ბევრს უჩნდება ეს შეკითხვა და უამრავი აღშფოთებული კომენტარიც მოჰყვა:
"რას აშენებენ და საღორეს!";"
სასტუმრო, რესტორანი, კაზინო ან ბორდელი"… 
"ცოტა ხანში დაშლიან ნარიყალას და მის ადგილას ააგებენ პირამიდას ან რამე ასეთს"...


"ყველანაირ ზღვარს გასცდნენ! სიხარბეს საზღვარი არ აქვს და არც კანონი მოქმედებს ამ ქვეყანაში!"...
"აპირებენ, რომ ნარიყალას წინ აუყუდონ შენობა, როგორც პირველ სკოლას წამოუყუდეს თავზე ის მონსტრი სახლი და მთაწმინდა აღარ ჩანს!"...
"უკვე წარმომიდგენია რეკლამა: "სახლი თბილისის პრესტიჟულ უბანში, "ტიფლის ტაუერი", გადმოხედეთ ძველ თბილისს ზემოდან, იმიტომ, რომ თქვენ ამას იმსახურებთ! იჩქარეთ, ადგილები შეზღუდული არ არის, საჭიროების შემთხვევაში 35 და 36 სართულსაც დავადგამთ, მაგრამ მაინც იჩქარეთ. იმიტომ რომ ჩვენ ვყიდით პრესტიჟს"...

ჩვენ ამ საკითხში გასარკვევად მერიის პრესსამსახურს დავუკავშირდით, სადაც გვითხრეს, რომ ნარიყალას ქვეშ არქეოლოგიური სამუშაოებისთვის წმენდდნენ ტერიტორიას. თუმცა ამჯერად სამუშაოები შეჩერებულია, რადგან საამისო ნებართვა არ იყო გაცემული.

ესეც ძველი და ახალი ფოტოები:


მანანა გაბრიჭიძე