საკუთარი წესებით აღმოსავლური კალენდრის ერთ-ერთი ყველაზე ძლიერი და ფერადი ცხოველი მოდის. არაჩვეულებრივი, საინტერესო და მოვლენებით სავსე წელი გველოდება. რა უნდა იცოდეთ მთავარი სიმბოლოს შესახებ?
ჩინური ასტროლოგიის მიხედვით, ყოველ წელს თავისი მფლობელი ჰყავს, არსება, რომელიც გარკვეულ პერიოდს საკუთარ თვისებებსა და ხასიათს ანიჭებს. 2024 წელი ხის დრაკონის წელია - ბრძენი მითიური არსების, რომელსაც შეუძლია ადამიანს ბევრი სიხარული აჩუქოს. თუმცა ხის დრაკონი კეთილი მხოლოდ იმ შემთხვევაში იქნება, თუ მას სათანადო პატივისცემით მოეპყრობიან.

სიმბოლოს მახასიათებლები

დრაკონი ჩინეთის იმპერიული ძალაუფლების სიმბოლოა. მის გამოსახულებას ბევრ შენობასა და საყოფაცხოვრებო ნივთზე აღმოაჩენთ.
წარსულში, უბრალო მოსახლეობას არ შეეძლო "შეხებოდა" ღვთაებრივ დრაკონს, ამას მკაცრი სასჯელი მოჰყვებოდა, თუმცა, როგორც წლის სიმბოლო, დრაკონი სულაც არ არის ისეთი მკაცრი. ითვლება, რომ ყველაზე წარმატებული პერიოდები ყოველთვის მისი მფარველობის ქვეშ ჩაივლის ხოლმე.
ასე რომ, მომავალი დრაკონის წლისგან ბევრ დადებით, პოზიტიურ მოვლენას უნდა ველოდოთ: სასიამოვნო ცვლილებები, შეხვედრები, მრავალი პრობლემის გადაწყვეტა. 2024 წელი აუცილებლად ასეთი იქნება! ყოველივე ამის მწვანე ფერი მატებს თავის გავლენას. აღმოსავლურ კულტურაში მწვანე ფერი ხომ სიმშვიდის და მოქნილობის ფერია. ასე რომ, 2024 წელი გარემოებებთან ადაპტაციის საუკეთესო პერიოდი იქნება. მწვანე დრაკონი განსაკუთრებულ კეთილგანწყობას გამოიჩენს პლანეტის რიგითი მაცხოვრებლების მიმართ.

როგორ მოვიზიდოთ სახლში იღბალი
ახალ წელს მომზადებულები უნდა შევხვდეთ. რა ესიამოვნება მწვანე ხის დრაკონს? 2024 წლის ელემენტი ხე გახლავთ. ეს ძალიან მნიშვნელოვანია. ჩვენ გვეძლევა უამრავი შესაძლებლობა. თითოეულ ჩვენგანს განვითარების ახალი შანსი მიეცემა. ჩვენ უბრალოდ სწორი ნაბიჯები უნდა გადავდგათ. ისიც გაითვალისწინეთ, რომ სათანადო მოვლის გარეშე ხე შეიძლება გახმეს.
კარგი იქნება, თუ მომავალი წლისთვის სახლებში გვექნება ხის სიმბოლოები, მაგალითად, ხის სურათი, პატარა ბონსაის ან დეკორატიული ხე და ა.შ.
როგორც მამაკაცებს, ასევე ქალებს შეგიძლიათ შეურჩიოთ აქსესუარები, მაგალითად, გულსაკიდი.
კარგი იქნება ასევე სახლში დრაკონის გამოსახულება. რბილი სათამაშოები ყველას როდი მოსწონს, თუმცა ბალიშები დრაკონის გამოსახულებით, კალენდრები, საბნები, სათვალეები, მაგიდის გასაწყობი აქსესუარები ნამდვილად კარგი გადაწყვეტილება იქნება.

როგორ აღვნიშნოთ

ტყუილად როდი არ ამბობენ, რომ როგორც შეხვდები ახალ წელს, ისე გაატარებო. თითოეულ ჩინურ სიმბოლოს საკუთარი მოთხოვნები აქვს. არც დრაკონია გამონაკლისი. რაც უფრო მეტად გაამახვილებთ ყურადღებას მის გახარებაზე, მით ბედნიერი იქნება ახალი წელი თქვენთვის.

სად შევხვდეთ

დრაკონი დიდებული, კეთილშობილი არსებაა. უყვარს ყურადღების ცენტრში ყოფნა. ასე რომ, მას განსაკუთრებულად უნდა დახვდეთ. არანაირი რუტინა, პირიქით - მხიარული, ხმაურიანი და ლამაზი საღამო. ეს ის იშვიათი შემთხვევაა, როდესაც უმჯობესია ახალ წელს "გარეთ", რესტორანში ან წვეულებაზე შეხვდეთ, თუმცა, არც სახლში შეხვედრაა აკრძალული – მთავარია, სათანდოდ აღნიშნოთ, მხიარულებითა და ჟრიამულით.

რა ჩავიცვათ
მოსაწყენი ფერები სხვა ნიშნებს დავუტოვოთ. დრაკონს ფერთა ფოიერვერკი უნდა მოუწყოთ.
ძირითადი ფერები ოქროსფერი და წითელია. ქსოვილი ძვირად ღირებული ჯობს, ისეთი როგორიც არის ატლასი, ხავერდი, აბრეშუმი, შიფონი. 
თუ წითელი და ოქროსფერი თქვენი ფერი არ არის, შეგიძლიათ არჩევანი მწვანე ფერზე გააკეთოთ.
ნუ დაივიწყებთ აქსესუარებს: სამაჯური, გულსაკიდი, დიდი საყურეები, თმის სამაგრები - ეს ყველაფერი ოქროსფერი უნდა იყოს!

როგორ გავაფორმოთ სახლი
2024 წელს შეგიძლიათ გასაქანი მისცეთ ფანტაზიას და რეალობად აქციოთ ყველაფერი, რაზეც ოდესმე გიოცნებიათ. რაც მეტი ბრჭყვიალა ნივთი გექნებათ, მით უკეთესი.

სუფრა
სუფრის გასაფორმებლად აუცილებლად დაგჭირდებათ სანთლები და დეკორატიული ელემენტები: ლენტები, ლამაზი ხელსახოცები. სუფრა უნდა იყოს ელეგანტური და მიმზიდველი. შეეცადეთ შექმნათ ჩინური საიმპერატორო კერძის იმიტაცია, შეგიძლიათ გამოიყენოთ ჩინური ჯოხები.
კერძები განსაკუთრებით გემრიელი უნდა იყოს, მაგიდაზე მინიმუმ თორმეტი კერძი უნდა იყოს. მენიუში უნდა იყოს ბრინჯიანი კერძები. ტრაპეზი უნდა დაასრულოთ მწვანე ჩაით. არ დაივიწყოთ სასურველი ოქროსფერი ხილი: ფორთოხალი, მანდარინი, ხურმა.

ჩინური ტრადიციის მიხედვით, ახალი წლის ღამეს წითელ კონვერტში ჩადებული ფულის ჩუქება განსაკუთრებით იღბლიანია და ფინანსურ კეთილდღეობას განაპირობებს.