რატომ უნდა დავღუპოთ ძვირფასი მცენარეები ქიმიკატებით, როდესაც მავნებლებთან ბრძოლა მის გარეშეც არის შესაძლებელი? ორგანული საშუალებები ამ პრობლემის მოგვარებაში ძალიან კარგად დაგეხმარებათ.


1. ლოქორა



ეს ღიპიანი მოლუსკები ლუდის დიდი თაყვანისმცემლები არიან. გაავსეთ ქილა ლუდით და დადგით ბოსტანში მთელი ღამით. დილით გადააქციეთ ქილაში ჩასხმული სითხე მავნებლებთან ერთად და გაავსეთ ახალი ლუდით.


2. ლოკოკინა


დადეთ მიწაზე ერთი-ორი ხის დაფა (ნარგავებისგან მოშორებით). ეს მშვენიერი სატყუარაა. მათ ხომ ძალიან უყვართ ჩრდილი და ნესტიანი ადგილები. დროდადრო აწიეთ დაფა და გაასუფთავეთ ლოკოკინებისაგან.

ბოსტნის მორწყვა დილით ჯობს და არა საღამოთი. ლოქორები და ლოკოკინები ღამე ნაკლებად აქტიურობენ იმ შემთხვევაში, თუ ნიადაგი მშრალია.


3. მუხლუხო



პეპელა თუ ნებისმიერი ბაღისა და ბოსტნის მშვენება მუხლუხოს მცენარეებისთვის მხოლოდ ზიანი მოაქვს. ამიტომ სასარგებლო მცენარეების გვერდით დათესეთ თავშავა, იგივე ორეგანო და ქონდარი.


4. ყურბელა



მათი გარეთ გამოყვანა ადვილი როდია, ამიტომ ღამით ბოსტანში სველი გაზეთის ფურცლები დაალაგეთ და დაახვიეთ. დილით, სანამ კარგად გაშრება, აიღეთ, ფრთხილად იყავით, ყურბელები სავარაუდოდ სველ ქაღალდში იქნებიან დამალულები.

ეს ქაღალდები ნაგავში არ გადაყაროთ, თორემ მავნებლები სავარაუდოდ თავის ადგილსამყოფელს დაუბრუნდებიან. ჯობს ქაღალდი დაწვათ.


5. ბუგრი



ეს პატარა ზომის მავნებელია, რომელიც მცენარის ფოთლებში ცხოვრობს. მათი დანახვა ფერის გამო არც ისე ადვილია, თუმცა მავნებლობის შედეგი ადვილი აღმოსაჩენია. მათ თავიდან მოსაშორებლად მცენარე ციტრუსის, ლიმონის ან ფორთოხლის ნაყენით დანამეთ. ერთ ლიმონის ან ფორთოხლის ცედრას დაასხით ნახევარი ლიტრი მდუღარე წყალი და გააჩერეთ 12 საათის განმავლობაში. ამის შემდეგ შეასხურეთ მცენარეს.


6. იაპონური ხოჭო და მისი ლარვები



მასთან ბრძოლის საუკუთესო საშუალება ბაქტერია Paenibacillus popolliae-ია. ეს თეთრი ფხვნილი ამ ხოჭოს ანადგურებს. ამ ბაქტერიების გამრავლებას ნიადაგში შეიძლება რამდენიმე წელის დაჭირდეს, თუმცა ამის შემდეგ თქვენ იაპონური ხოჭო აღარ შეგაწუხებთ.