ალბათ ყველას შეგინიშნავთ, რომ კერძო სახლებს ამერიკაში, ყოფილი საბჭოთა ქვეყნებისგან განსხვავებით, არც გალავნები აქვს შემოვლებული და არც უბრალო მესერი. რატომ არ იყენებენ ამერიკელები არანაირ ზღუდეებს? სახლი, წინ პატარა მდელო, საფოსტო ყუთი, ავტოფარეხი და არავითარი ზღუდე მეზობელ სახლთან თუ ქუჩასთან. ეს საკმაოდ უცნაური ჩანს, რადგან ყველამ ვიცით, რა სიფრთხილით ეკიდებიან ამერიკელები კერძო საკუთრებას და პირად ცხოვრებას.





კერძო სახლებს მესერი ზოგჯერ აქვთ, მაგრამ არა ქუჩის მხარეს, არამედ იმ მხრიდან, რომელიც ქუჩიდან მოფარებულია. ასეთ არქიტექტორულ გადაწყვეტილებას რამდენიმე მიზეზი აქვს. პირველი გახლავთ ტრადიცია - აქ ძალიან ძლიერია ქრიატიანულ-პროტესტანტული მოძღვრება, რომელიც საერთო, ერთიან თემად ცხოვრებას ქადაგებს და თემისგან გამოცალკევება ცუდ ტონად არის მიჩნეული.
თანამედროვე ადამიანები ამაზე აღარ ფიქრობენ, მაგრამ ასწლეულების განმავლობაში გაბატონებულმა ტრადიციამ ცხოვრების ეს წესი დაამკვიდრა.
მეორე მიზეზი მუნიციპალური და ადმინისტრაციული მოწყობაა. სახლების გარეგნული იერსახე მუნიციპალური შეთანხმების დონეზე ხდება. სახლების ფერი, გაზონების კრეჭა, შენობის განთავსება აუცილებლად ადგილობრივი ხელისუფლების მიერ წყდება.




მესამე მიზეზი ფინანსებია. მესერი ძალიან ძვირადღირებული სიამოვნებაა. ამერიკელებს კი ფულის გონივრულად ხარჯვა უყვართ. ამას ზემოხსენებული 2 მიზეზიც ემატება და გასაკვირი აღარ არის, რატომ ცხოვრებენ ისინი სამეზობლო ღობეების გარეშე.