ახალგაზრდა ფერმერი ეკოლოგიურად სუფთა მოსავალს ონკოლოგიურ პაციენტებს ჩუქნის: "ეს არც რეკლამაა, არც აქცია - ბუნების საჩუქარია"

ახალგაზრდა ფერმერი ნოდარ ლატიბაშვილი თავის მოყვანილ უნიკალურ, ეკოლოგიურად სუფთა ხორბალს ონკოლოგიური დაავადების მქონე პაციენტებს ჩუქნის.
ნოდარს ძველი ქართული ჯიშის ხორბალი - წითელი დოლი მოჰყავს, რაც ბაზარზე დიდი იშვიათობაა. რაც მთავარია, არ იყენებს არავითარ ქიმიკატს. სწორედ ამ მოსავლისგან მიღებულ ხორბალს უთმობს ონკოლოგიურ პაციენტებს.

არ იყიდება, ჩუქდება. ეს არის წითელი დოლის ხორბალი, შხამ-ქიმიკატებისა და ჰერბიციდის გარეშე მოყვანილი. მათთვის, ვისაც ონკოლოგიური პრობლემები აქვს და იყენებს ხორბლის ღივს ან ჯეჯჯილს. პაკეტში 2,2 კილოგრამი ხორბალია (ამაზე დიდი ) შეფუთვა ვერ ვიშოვე. შემეხმიანე და გადმოგცემთ.
ეს
არც აქციაა, არც რეკლამა. ბუნების საჩუქარია“ - წერს ნოდარ ლატიბაშვილი.

ნოდარ ლატიბაშვილი ახალგაზრდა ფერმერია. ოჯახთან ერთად თბილსში ცხოვრობდა, თუმცა მას შემდეგ რაც ფერმერობას მიჰყო ხელი, საგარეჯოში გადასახლდა. მისი მეურნეობა ძალიან მრავალფეროვანია. აქვს ვენახი, მოჰყავს ძველი ქართული ჯიშის ხორბალი - წითელი დოლი. წელს გააშენა თხილი და მოიყვანა შვრია. რაც მთავარია, ეკოლოგიურად სუფთა მოსავალი მოჰყავს, არ იყენებს შხამ-ქიმიკატებს. საგარეჯოში ნამჯის სახლი ააშენა, რომელიც სამომავლოდ აგროტურიზმისთვის არის განკუთვნილი.
 
„ბოლო პერიოდში რამდენიმე წელი ვმუშაობდი სადაზღვევო სფეროში, სადაც აქტიურად მომიწია შეხება აგრო- დაზღვევასთან და შესაბამისად ძალიან ბევრი დადებითი თუ უარყოფით მხარე დავინახე სოფლის მეურნეობის საკითხში. მივხვდი, თუ რა იყო მთავარი პრობლემები, რის გამოც ფერმერებს არ შეეძლოთ განვითარება. ჩვენს ქვეყანას უდიდესი პოტენციალი გააჩნია, მაგრამ არასწორი ხედვის გამო წრეზე ტრიალებს პრობლემები წლიდან წლამდე. გადავწყვიტე, მე თვითონ მომეკიდა ხელი ამ ძალიან საინტერესო, მომგებიანი და რაც მთავარია, ეროვნული საქმისთვის.“ - აცხადებდა ნოდარი ჟურნალ „შინთან“ საუბრისას.
წაიკითხეთ მეტი ნოდარ ლატიბაშვილის შესახებ: 
თბილისიდან საგარეჯოში გადასახლებული ახალგაზრდა ფერმერი ნამჯის სახლს აშენებს

კომენტარები

ია 2018-12-02 10:30
გმადლობთ გულისხმიერო ადამიანო მე ალბათ არ მიმიწვდება ხელი ამ საუკეთესო საჩუქარზე მაგრამ ვისაც აქ მინდა ვუთხრა ის გამოაღივეთ კარგად + 2 ლიმონი კანიანად გავატაროთ ხორცსაკეპ მანქანაში+ 4 ლიმონის წვენი + ნახ.კგ თაფლი კარგად ავურიოთ და დილით და საღამოს მივირთვათ გნებავთ უზმოზე გნებავთ ჭამის მერე 2 სუფრის კოვზი .(გადმოთარგმნილია თურქი ექიმების რჩევებიდან ) გამოჯანმრთელებას გისურვებთ და ვისურვებ ❤(პროფილაქტიკის მიზნით)-- ავიღოთ ბაბუაწვერას გამომშრალი ფესვები (აფთიაქებში არის) ერთ ს .კოვზს დავასხათ ერთი ჭიქა ადუღებული წყალი გავაჩეროთ გაგრილებამდე და მივირთვათ ერთი ყავის ჭიქა დღეში თუ სადმე ორგანიზმში სიმსივნის ფესვია 48 საათში სპობს (პროფილაქტიკა ჩავიტაროთ 1 თვე )იწმინდება ორგანიზმი.
კეთილი სურვილები. 2018-08-20 10:56
ჩვენმა პრეზიდენტმაც, კარტოფილი მოიყვანა და ხელმოკლე ოჯახებს დაურიგა.
ნაირა 2018-08-19 09:26
უფლის მფარველობა არ მოგაკლდეს . ასეთი კეთილი საქმისთვის და ღმერთმა ხელი მოგიმართოს. ოჯახის წევრი მყავს ონკოლოგიური პაციენტი და სად შეიძლება შეხმიანება
კახა 2018-08-18 20:29
მაგარი კაცი ხარ!ღმერთმა გაგიმარჯოს!
ნანა 2018-08-18 18:22
როგორ შევეხმიანოთ სად უნდა ვნახოთ

კომენტარის დამატება

მსგავსი სიახლეები