თანამედროვე სამზარეულო უკვე დიდი ხანია აღარ არის მხოლოდ სამუშაო ზონა. ახლა ამ სივრცეში შეგიძლიათ არა მხოლოდ საჭმლის მომზადება, არამედ დროის გატარება ოჯახთან და მეგობრებთან ერთად, საუბარი, მუშაობა ან უბრალოდ დასვენება. იმისათვის, რომ სამზარეულო იყოს ელეგანტური და მრავალფუნქციური, ამ ოთახის დიზაინის შექმნისას აუცილებელია მრავალი ასპექტის გათვალისწინება: მასალები, ფერები, ერგონომიკა, განათება და აქსესუარები. ჩვენ ვსაუბრობთ სამზარეულოს დიზაინის მთავარ ტენდენციებზე, რომლებსაც წამყვანი ინტერიერის სტუდიები მიჰყვებიან.

მრავალდონიანი მკრთალი განათება


სამზარეულოს კუნძულზე ან სასადილო მაგიდაზე დაკიდებული განათების ნაცვლად თანამედროვე დიზაინერები სულ უფრო ხშირად ირჩევენ უფრო რთულ განათების სქემას. დიფუზური ბზინვარება ქმნის განსაკუთრებულ ატმოსფეროს და ამავე დროს საშუალებას აძლევს მომხმარებელს კომფორტულად გამოიყენოს სივრცე. დღეს ჭკვიანი განათების ტექნოლოგია სულ უფრო ხელმისაწვდომია და ფართოდ გამოიყენება - კონტროლის სისტემების დახმარებით თქვენ შეგიძლიათ დაარეგულიროთ სიკაშკაშე, ფერის ტემპერატურა და შექმნათ განათების სხვადასხვა სცენარი სმარტფონზე ღილაკის უბრალოდ დაჭერით.

მდიდარი ტონები


მონოქრომული სამზარეულოები კარგავს პოპულარობას; თეთრი ფასადები სულ უფრო და უფრო იცვლება ლურჯი, მწვანე და მუქი წითელი ფერით. სადა, ჰაეროვანი სამზარეულო არასდროს გადადის მოდიდან, მაგრამ დიზაინერები დარწმუნებულნი არიან, რომ ფერის დახმარებით შესაძლებელია სივრცისთვის უფრო მეტი ინდივიდუალობის მინიჭება. თუ არ ხართ მზად ასეთი თამამი გადაწყვეტილებებისთვის, შეგიძლიათ მკვეთრი, კაშკაშა ფერები დეტალების სახით შეიტანოთ ინტერიერში.

ექსპრესიული მარმარილო


მინიმალისტური თანამედროვე სამზარეულოს ტენდენცია ნიშნავდა იმას, რომ მარმარილოს გარკვეული სახეობები აქტიურად გამოიყენებოდა სამზარეულოს ზედაპირებისა თუ კუნძულებისთვის, მაგრამ ბოლო რამდენიმე წლის განმავლობაში ტენდენცია შეიცვალა: აქტუალური გახდა რელიეფური, ზოლიანი მარმარილო. მისი ორიგინალური ვიზუალი ადამიანს არა მხოლოდ ბუნების სილამაზეს ახსენებს, არამედ დრამატული ნოტები შეაქვს სივრცეში.

ხის ელემენტები


ბუნებრივმა მასალამ, ამ შემთხვევაში - ხემ, ორგანულად შეაღწია სამზარეულოს სივრცეში. სამზარეულოს დიზაინის ტრენდია ხე მკვრივი ტექსტურით, საშუალო ან მუქი ტონებით. და მიუხედავად იმისა, რომ სამზარეულო უფრო მეტად უტილიტარული სფეროა, დიზაინერები სულ უფრო ხშირად ირჩევენ ამ მასალას, მაშინაც კი, როდესაც საქმე ეხება ყოველდღიური გამოყენებისთვის განკუთვნილ ნივთებს. ბუნებრივი ხე არა მხოლოდ ძალიან ფუნქციურია, ის ინტერიერს განსაკუთრებულ განწყობას და კომფორტს ანიჭებს და ქმნის ბუნებასთან ერთიანობის ატმოსფეროს.

შესანახი სისტემების ორგანიზება


თანამედროვე სამზარეულო სულ უფრო და უფრო ემსგავსება მისაღებ ოთახს. ამიტომ, შესანახი სისტემა უნდა იყოს ორგანიზებული ისე, რომ თავიდან იქნას აცილებული ვიზუალური ქაოსი. ფართო ბინების და კერძო სახლების მფლობელები საამისოდ ცალკე სივრცეს ირჩევენ, სადაც შეუძლიათ დამალონ საყოფაცხოვრებო ტექნიკა, იშვიათად გამოყენებული სამზარეულოს ჭურჭელი და ასევე საკვები, რომელიც შეიძლება დიდხანს ინახებოდეს, ხოლო მინიმალიზმის მოყვარულებს სამზარეულოს მწარმოებლებმა მოიფიქრეს მოდელები, რომლებშიც სამუშაო ზედაპირი, საჭიროების შემთხვევაში, მთლიანად იმალება მობილური ფასადების მიღმა.

სამზარეულოსა და სასადილო ზონების გაერთიანება


სამზარეულო არის სახლის გული, სადაც ოჯახი ერთად ატარებს დროს, აკეთებენ საოჯახო საქმეებს ან უბრალოდ ისვენებენ. ამიტომ ზონა, სადაც სტუმრებს და ოჯახის წევრებს შეეძლებათ ისაუბრონ, დაისვენონ და თან მიირთვან, უფრო მოთხოვნადი ხდებაა. სწორედ ამიტომ სამზარეულოს კუნძულები, ბარის დახლები და პატარა მაგიდები უფრო და უფრო ტრენდული და აქტუალური ხდება.

გამწოვი აქცენტით


ხშირად სავენტილაციო სისტემა ინტერიერში მეორეხარისხოვანია, თუმცა გამწოვი ტრადიციულად არის მთავარი წერტილი, რომლის გარშემოც აგებულია მთელი სამზარეულოს განლაგება. დღეს, იმის ნაცვლად, რომ გამწოვი იუხილავი იყოს, დიზაინერები ხშირად ხაზს უსვამენ მას ექსპრესიული ფერის, უჩვეულო ფორმის ან მასალის დახმარებით. სასურველი ეფექტის მიღწევა შესაძლებელია ტექსტურის გამოყენებითაც: მაგალითად გამწოვ მოწყობილობაზე დეკორატიული ელემენტების დამატებით.

ჩაშენებული ტექნიკა


ჩაშენებული ტექნიკა სამზარეულოს დიზაინის განუყოფელი ნაწილი გახდა. ინოვაციური და მრავალფუნქციური ღუმელები და მაღალეფექტური ჭურჭლის სარეცხი მანქანები დაგეხმარებათ უფრო სწრაფად და მარტივად მოაგვაროთ ყოველდღიური საყოფაცხოვრებო საქმეები.