დიახ, დიახ, ეს ფოტოშოპი არ არის. ნამდვილად არიან ქათმები, რომლებიც წითელ კვერცხებს დებენ და ამ კვერცხებს ხშირად სააღდგომოსაც უწოდებენ.
ამ ქათმის ჯიშს მარანი ჰქვია. ძველი ფრანგული ჯიშია, საპორტო ქალაქ მარანიდან, ახალი აკვიტანიის რეგიონში.

ამ ქათმებმა სწორედ მუქი ფერის კვერცხებით გაითქვეს სახელი - თანაც, თურმე ზამთარში ფერი უფრო მუქია, ვიდრე ზაფხულში. ხანდახან იისფერიც კი დაჰკრავს. 

წელიწადის განმავლობაში საშუალოდ 150-დან 220-მდე კვერცხს დებენ. როგორც სპეციალისტები ამბობენ, ეს კვერცხი გამოირჩევა გემოთიც, მყარი ნაჭუჭითაც და რაც უფრო მუქი ფერისაა, უფრო გემრიელიც ყოფილა.