რომელ ოთახში ჯობია ბზის ტოტის შენახვა მთელი წლის განმავლობაში

ქრისტიანული სამყარო ბზობის ბრწყინვალე დღესასწაულს ზეიმობს. როგორ აღვნიშნოთ ეს დღე სწორად, სად შევიძნოთ ბზა და რომელ ოთახში უნდა ვიქონიოთ ბზის ტოტი მთელი წლის განმავლობაში.
გვესაუბრება წმინდა ამბროსი აღმსარებლის სახელობის მამათა მონასტრის წინამძღვარი, ღვთისმეტყველების მაგისტრი, წმინდა ამბროსი აღმსარებლის სახელობის სულიერებისა და კულტურის ცენტრის ხელმძღვანელი, მღვდელ- მონაზონი ანდრია (სარია):

- როგორ უნდა აღვნიშნოთ ბზობა?
- ტაძარში შევხვდეთ ბზობას, ეს იქნება ყველაზე მართებული დახვედრა ამ დღისა. სპეციალური ლოცვა იკითხება და ამით ჩვენს რწმენასა და მადლიერებას გამოვხატავთ. ლაზარეს მკვდრეთით აღდგინებამ გამოიწვია ქრისტეს განდიდება, იერუსალიმში

დიდებით მიღება, თუმცა ამავე დროს აღსრულდა წინასწარმეტყველება. სასწაულის ხილვამ აღაფრთოვანა ისრაელიანნი, მაგრამ მალევე გადაავიწყდათ. ბზობა ტოტების "განდიდებით" არ უნდა აღინიშნებოდეს. ვისთვისაც დაიფინა და გამოჩნდა ქვეყნად ის უნდა გვყავდეს გულში. სულიწმიდის მადლით მოვრწყათ ჩვენი სული, ბზამ რომ "იჯეჯილოს".

- ბზა მხოლოდ ეკლესიაში უნდა შევიძინოთ?
- ზოგიერთი უფასოდ არიგებს, უმჯობესია სახლიდან მიტანილი და მოვლილი.

- ვინც ტაძრის გარეთ ყიდულობს ეს არ არის მისაღები?
- შეიძლება იყიდოს, რაიმე აკრძალვა არ არსებობს.

- თუ ბზას შინ ვახარებთ ქოთანში ან ეზოში, ბზობას როგორ მოვიქცეთ?
- ყოველ წელს მივიტანოთ და ვაკურთხებინოთ, ნიშნად იმისა რომ განგვიახლდეს ბზობის მადლი. ისე ყველა სახლში შეიძლება დარგული იყოს, მაგრამ ის დანიშნულება არა აქვს, რასაც კურთხევის შემდეგ იძენს.

- თუკი სახლში მიტანილ ნაკურთხ ბზას რტოები მოტყდა და ფოთლები ჩამოცვიცდა, ეს ცოდვად ითვლება?
- განგებ რაც არ კეთდება და მოუფრთხილებლობით, ცოდვაში არ გვეთვლება.

- ვისაც სახლში ძველი, გამხმარი ბზა აქვს იმას რა გზა უნდა მიუჩინონ?
- სუფთა ადგილას დაწვან ან დამარხონ.

- ბზობას თევზით არის ხსნილი?
- ეკლესიამ ნუგეშად დააწესა დღესასწაულის გამო. გარეგნული სუფრის მხარეც მშვენდება სიმდიდრით.

- თუ ვერ შევძელით ბზობას ტაძარში ბზის შეძენა, შეიძლება სხვას ვთხოვოთ მისი შეძენა?
- შეიძლება, მაგრამ ბზობის მნიშვნელობა ის არის, რომ ადამიანი საკუთარ სულსა და გულს რწმენით მიაგებებს უფალს.

- რომელ ოთახში ჯობია ვიქონიოთ ბზის ტოტი მთელი წლის განმავლობაში - იქ სადაც უფრო ხშირად ვტრიალებთ თუ პირიქით, უფრო მშვიდ კუთხეში?
- სადაც ხატების კუთხე გვაქვს.

კომენტარები

ლაშა-გიორგი 2018-04-02 01:52
როგორ უნდა წერო და გნიკითხო ქართველმა ესეთი კომენტარებით და რაღაც ფასებზე ისაუბრო ნუთუ ძნელი გასაგებია რომ ეს შენაძენი ბზა იქნება თუ სანთელი არის შენი შენაწირი ანუ შენი წვლილი ტაზრისთვის,მრვდელმოქმედებისთვის და ასე შემდეგ.რა თქმა უნდა უამრავ ადამიანს უჭირს ჩვენს ქვეყანაში და თუ არ ეთაკილება და მოითხოვს მას ტაძარში ბზასაც გადასცემენ და სანთელსაც უფასოდ.ვისაც ცოტა მაინც აქვს იყიდოს გარეთ 50 თეთრად ვინ აკრძალა ეს,ამაში ხო არ არის მთავარი არსი ამ მოქმედებისა .ხალხო რა გვჭირს როგორ დავეცით როგორ გვიჭირს ქართველებს როგორ ვერ ვუფრთხილდებით იმ ერთადერთს რაც საუკუნეებია გვინახავს და გვაერთიანებს.შემინდეთ.
მანანა 2017-04-10 14:31
სამედიცინო ინსტიტუტთან მდებარე ტაძარში ბზა კიბეებს ზემოთ, 2 დ 3 ლარად იყიდებოდა! იგივე ბზა კიბეებს ქვემოთ კი 50 თეთრად! სამარცხვინოა აბა რა!
maxo 2017-04-09 18:03
იგონებთ რაღაცეებს,ისე ქაშვეთსი მღვდლები ბზას ყიდდნენ 2 ლარად,გარეთ 1 ლარად,აი ეს არის სამარცხვინო
shildeli 2017-04-09 12:43
რომ მოეშვათ ეს ტუტუცი ქართველები ბზის გაჩანაგებას არა? ადგილზე აკურთხეთ ბზა, სადაც დარგულია და ბედნიერად წადით სახლში. არსად არ წერია სახარებაში ბზა მოწიწკნეთ და სახლში წაიღეთო. გააუკუღმართეთ რწმენა! ფუ
nini 2016-05-03 15:39
gamarjobaT,bzis kurTxeva ver movaxerxe da exla dges vnaxe rom titqmis sul gaxma ai dachknasavit da rasheidzleba gavaketo vakurtxebio mamaos dges bza xom sheidzleba?

კომენტარის დამატება

მსგავსი სიახლეები