ნამდვილად გაოცდებით და დარწმუნდებით, რომ მდიდრული და ძვირად ღირებული სულაც არ ნიშნავს იმავდროულად კარგს და გემოვნებიანს. სტას მიხაილოვის 12 მლნ დოლარად შეფასებული სახლი სწორედ ამის დასტურია. 
რუსული ესტრადის ვარსკვლავის სახლი 600 კვადრატული მეტრია. 2015 წელს იყიდა რიგასთან ახლოს მდებარე ელიტურ დასახლებაში  Agalarov Estate, სადაც ბევრი ვარსკვლავის სახლი მდებარეობს. ამ დასახლებაში მხოლოდ მისი მცხოვრებნი და მათი სტუმრები დაიშვებიან. 300 ჰექტარ მიწაზე 8 კორპუსია და 260 კერძო რეზიდენცია. ტერიტორიაზეა ასევე გოლფ-კლუბი, რესტორანი, სასტუმრო, სპორტული კომპლექსი და ვერტმფრენის დასაჯდომი მოედანი. დასახლების მფლობელი ცნობილი მილიონერი და მომღერალი ემინ აგალაროვია, რომელიც აზერბაიჯანის პრეზიდენტის ილჰამ ალიევის ყოფილი სიძეა.

 Agalarov Estate

სტას მიხაილოვი ერთ-ერთი ყველაზე მაღალანაზღაურებადი ვარსკვლავია რუსულ შოუბიზნესში - საშუალოდ 7მ4 მლნ დოლარს გამოიმუშავებს წელიწადში, ამიტომ თავს მსგავსი ფუფუნების უფლებას ადვილად აძლევს. ფოტოებს კი მისი მესამე ცოლი აზიარებს ხოლმე სოციალურ ქსელში.

სახლის ფასადი მარმარილოს სვეტებით არის შემკობილი, ტერასაზე დასასვენებელი ზონაა.

სახლში ყველაფერი ძვირად ღირებულია - მარმარილოს იატაკები, მარმარილოს კიბეები, პომპეზური ავეჯი, ხალიჩები, ერთდროულად ნეოკლასიკური და ე.წ. მეფური სტილია, თუმცა რამდენად ჯდება ყველაფერი ერთმანეთში და რამდენად ლამაზია, ეს მაყურებლის გადასაწყვეტია. 


სახლის ინტერიერი ძირითადად მიხაილოვის მეუღლემ მოაწყო, ინამ, რომელსაც იტალიელი დიზაინერები ჰყავდა დაქირავებული. ოთახებში ძირითადად მუქი ფერები აირჩია და ასევე ოქროსფერი და მოოქროვილი მასალებიც, რაზეც ფული არ დაინანა. ავეჯის ნაწილი ტყავგადაკრულია, ნაწილი - ხავერდით, ბროლის ჭაღები ამშვენებს ოთახებს და ოქროთი მოოჭვილი ხატები.