სამზარეულოში ყოველთვის ბევრი მიკრობი და ბაქტერია გროვდება, სამუშაო ზედაპირი, მათ შორის ნიჟარა, დაკავშირებულია კერძის მომზადებასთან. ყველა დიასახლისმა იცის, რომ მათი მდგომარეობა პირდაპირკავშირშია ჩვენს ჯანმრთელობასთან.

სწორედ ამიტომ ბევრს უჩნდება კითხვა: რამდენად ხშირად უნდა გაირეცხოს სამზარეულოს ნიჟარა? არსებობს თუ არა ამასთან დაკავშირებული რაიმე სახის ნორმები და წესები?

საკვები ჰიგიენის დარგის სპეციალისტები აღნიშნავენ, რომ აუცილებელია სამზარეულოს ნიჟარის გარეცხვა კვირაში ერთხელ მაინც.
სასურველია გაირეცხოს ყველაფერი მაშინვე, როგორც კი უმი ხორცის დაჭრას ან კარტოფილის გასუფთავებას დაასრულებთ. ეს ხელს შეუშლის საშიში მიკრობებისა და არასასიამოვნო სუნის გავრცელებას.

ნიჟარის წმენდის ყველაზე მარტივი საშუალება ჭურჭლის სარეცხი საშუალებისა და ცხელის წყლის გამოყენებაა.

არაფერია რთული, სამაგიეროდ ჩამორეცხავთ საჭმლის ყველა ნარჩენს, რომლებიც დაავადებათა გამომწვევი ბაქტერიების პოტენციურ რისკს წარმოადგენენ. დროდადრო შეიძლება ნიჟარა დამატებით სადეზინფექციო საშუალებებით დაამუშაოთ, უბრალოდ შეასხურეთ ის კედლებზე, რის შემდეგაც ზედაპირი მშრალი ნაჭრის ხელსახოცით გაწმინდეთ.

ასევე, თვეში ერთხელ საჭიროა უფრო ღრმა წმენდის ჩატარება, რათა მილებში ნადების წარმოქმნა თავიდან აიცილოთ. ამის გაკეთება შეგიძლიათ სოდითა და ცხელი წყლით ან სპეციალური საშუალებებით.