ბალიშთან, როგორც წესი, სასიამოვნო შეგრძნებები ასოცირდება. ეს ნივთი ხომ სრულყოფილ და კომფორტულ დასვენებაში გვეხმარება. ყველაზე მეტად სწორედ ბალიშს ვეხუტებით. მნიშვნელოვანია, რომ ჩვენი ბალიში იყოს სუფთა და სურნელოვანი. დიასახლისები უფრო მეტ ყურადღებას ზეწრების და საბნების სისუფტავეს უთმობენ, ბალიშის გარეცხვა კი არც ისე ადვილია. ჩვენ კი შემოგტავაზებთ რცევებს, როგორ უნდა გარეცხოთ ბალიში მარტივად სარეცხის მანქანაში ძალიან სუფთა და სურნელოვანი რომ იყოს.


როგორ გავრეცხოთ ბალიში



ყველაზე მარტივად სინთეტიკის ბალიშები ირეცხება. სინტიპონის ბალიშების ირეცხება სარეცხის მანქანაში 40 გრადუს ტემპერატურაზე. რაც შეეხება ბამბუკის ბალიშებს, მისი გარცხვა ნებისმიერ ტემპერატურაზე არის შესაძლებელი. ამ შემთხვევაში უნდა იცოდეთ მხოლოდ ის, რომ ასეთი ბალიშები აუცილებლად ჰორიზონტალურ მდგომარეობაში უნდა გააშროთ.



რაც შეეხევა მიკრობებსა და მტვერს მათ გასანადგურებლად უმჯობესია გამოიყენოთ თხევადი საპონი ან შამპუნი. ასეთი რეცხვის შემდეგ ბალიშა არც სუნი ექნება და არც ლაქა. ბალიშის გაწურვა მხოლოდ ხელით არის რეკომენდირებული და ძალიან ნაზად.


აი, ლატექსის ბალიშების რეცხვა კი არ შეიძლება. მათი გაწმენდა მხოლოდ მტვერსასრუტით არის ნებადართული. ლაქების მოშორება სველი ხელსახოცით შეიძლება. ასეთი წმენდა, რაღა თქმა უნდა, მიკრობებს ვერ მოსპობს, ამიტომ გირჩევთ, ბალიშები 2-3 წელიწადში ერთხელ ახლით შეცვალოთ. იგივე ეხება ანტისტრესულ ბალიშებს, რომელიც ხან წიწიბურით არის გამოტენილი და ხან სხვა მარცვლეულით.

ცალკე თემაა ბუმბულის ბალიშები. ასეთი ბალიშები ძალიან პოპულარულია, თუმცა მათი სახლის პირობებში რეცხვა პრაქტიკულად შეუძლებელია. თუ ამის გაკეთებას გადაწყვეტთ, ამ შემთხვევისთვის რამდენიმე რჩევას მოგცემთ.


ბუმბულის ბალიშების რეცხვა



1. საპნიან წყალს დაამატეთ ერთი კოვზი ნიშადურის სპირტი და ჩაალბეთ ბალიში, ნიშადურის სპირტი ძალიან ეფექტურად ხოცავს მიკრობებს და ძალიან კარგად ასუფთავებს.
2. კარგად გაავლეთ.
3. გაწურეთ ხელით და გააშრეთ. შრობის დროს ხშირ-ხშირად გადაატრიალეთ და ხელში შეათამაშეთ.
4. როდესაც კარგად გაშრება, გაუხსენით პირი და ფრთხილად გადაიტანეთ ბუმბულგაუმტარ პირში.

ბუმბულის ბალიშების რეცხვა კარგია ან ძალიან სიცხეში ან ძალიან სიცივეში, სიცხეში სისველე ამოშრება, ხოლო სიცივეში მოიყინება. საშუალო ტემპერატურაზე ბალიშის გაშრობას კი ძალიან დიდი დრო ჭირდება, ამასობაში კი გამრავლდება ცუდი ბაქტერიები.

სარეცხის მანქანაში რეცხვაც არის შესაძლებელი, თუმცა ამ შემთხვევაში საჭიროა შეირჩეს რეცხვის სწორი პროგრამა - ხელით რეცხვა ან დელიკატური რეცხვა. კონდიციონერის გამოყენებას არ გირჩევთ.



ბალიშების რეცხვა საკმაოდ რთული, თუმცა საჭირო პროცედურაა. ბუმბულისა და სილიკონის ბალიშების რეცხვა წელიწადში ოთხჯერ არის რეკომენდებული. ბამბუკის ბალიშები კი 2 თვეში ერთხელ უნდა გაირეცხოს.