რატომ მაგრდება ჩურჩხელები და როგორ დავალბოთ გამაგრებული ჩურჩხელა

ზამთარი ჩურჩხელის გარეშე წარმოუდგენელია. ეს ნუგბარი სასარგებლოცაა, გემრიელიც და ტრადიციულიც. ოღონდ ერთი ნაკლი აქვს - დროთა განმავლობაში მაგრდება და შუა ზამთარში ზოგიერთი ისეთი გაქვავებულია, პრაქტიკულად, აღარ იჭმევა. როგორ დავალბოთ ჩურჩხელა და რატომ ხდება, რომ ზოგიერთი ჩურჩხელა რბილი რჩება, ზოგი კი ქვავდება?
მთავარი საიდუმლო იმ ბადაგშია, რისგანაც ჩურჩხელის ამოსავლები თათარა მზადდება. თუ ყურძნის წვენს, ანუ მომავალ ბადაგს, იმდენ ხანს ადუღებენ, რომ განახევრდეს, მისგან დამზადებული ჩურჩხელა არასოდეს გამაგრდება. მაგრამ საქმე ისაა, რომ ყურძნის წვენი განახევრებისთვის არ ემეტებათ, მითუმეტეს მათ, ვინც ამ ჩურჩხელების

გაყიდვას აპირებს. ამიტომ წვენი წამოდუღდება თუ არა, აჩერებენ დუღილს, ასე უფრო მეტი ბადაგი გამოსდით და მეტი ჩურჩხელაც ამოევლება. უმეტესობას სწორედ ასეთი ჩურჩელების ყიდვა გვიწევს. ამიტომ ადრე თუ გვიან, მისი დალბობაც დაგჭირდებათ.
ყველაზე ეფექტური ჩურჩხელის გათბობა-გაცხელებაა. შეაწყვეთ მიკროტალღურ ან ჩვეულებრივ აირღუმელში. გარედან რომ კარგად გაცხელდება, ის უკვე ბოლომდე დარბილებული იქნება. ყურადღება მიაქციეთ, რომ არ დაიწვას და ბუშტულები არ გაიკეთოს - ამ დროს გემოც შეეცვლება. თუ ღუმელის გაცხელება არ გიღირთ ერთი ჩურჩხელის გამო, შეიძლება ფოლგაში ან კულინარულ ცელოფანში გაახვიოთ მჭიდროდ და ცხელ წყალში ჩადოთ. წყალი შიგნით ვერ შეაღწევს, სამაგიეროდ მალე გაათბობს მას.
ახალ ამოვლებული ჩურჩელა რომ ძალიან არ გამაგრდეს, ჯერ მჭიდროდ გაახვიეთ სამზარეულოს წებოვან ცელოფანში და შემდეგ ტილოში. ასევე უკეთ ინახება ჩურჩხელა ხის სათავსოში.

 გთავაზობთ ჩვენი საიტის მკითხველების მიერ შემოთავაზებულ რჩევებსაც: 
*თუ გინდათ გამაგრებული ჩურჩხელა დალბეს, რამდენიმე დღე პურის ქვაბში შეინახეთ
*ბადაგს,თათარის გაკეთებისას,ქვაბში,გაცხელებამდე, დაუმატეთ გახეხილი უმი კვახი;რაც მეტი იქნება,მით უკეთესი. თავი სამოთხეში გეგონებათ,ისეთი ჩურჩხელები გამოგივათ
*გამშრალ ჩურჩხელას წაუსვით ბადაგი ,შეახვიეთ ტილოს ხელსახოცში და შეინახეთ გრილ სათავსოში.
*ახალი ამოვლებული ჩურჩხელა არ უნდა გამოშრეს გახმობამდე, 4-5 დღის შემდეგ ხელით უნდა წაესვას ხორბლის ფქვილი და შეთეთრებული ჩურჩხელა გაახვიეთ ჩაის ტილოში, შემდეგ პოლიეთილენის პარკში და შეინახეთ თავდახურულ ქვაბში.იდეალურად ინახება.

 

 

კომენტარები

მერი 2024-01-29 19:54
კარგად ნადუღარ თათარაში ჩაუმატეთ ნამდვილი თაფლი, გემოც ძვირფასი აქვს ასეთ ჩურჩხელას და არც მაგრდება.
ნეკა ბაკურაძე 2024-01-29 18:43
ხურმის ჩირი როგორ დავარბილოთ?
მაიკო 2024-01-26 10:45
წყლის ორთქლის "აბაზანა" ???? ძალიან უხდება გამხმარ ჩურჩხელას.
ლევანი 2022-09-13 09:55
თუ გინდათ რომ ჩურჩხელა არ გამაგრდეს დროზე უნდა მიირთვად:)
ირინა 2021-09-19 11:19
ჩურჩხელა შეინახეთ ნაჭრის ტომარაში , შემოუწყეთ ვაშლი , და შეინახეთ გრილ ადგილას დახურულ ქვაბში. არაჩვეულებრივად ინახება , ვაშლი დრო და დრო შეამოწმეთ და შეწვალეთ. გემრიელად მიირთვით

კომენტარის დამატება

მსგავსი სიახლეები

forward
back
აქტუალური
დიზაინი
დეკორი
ავეჯი
ბინა
forward
back
აქტუალური
STARS
მოდა ინტერიერში
forward
back
ეკოლოგია
ოთახის მცენარეები
ტექნიკა
რემონტი
დიასახლისებისთვის
forward
back
forward
back
ხელმარჯვე
სიახლეები
სპეციალისტის რჩევა
forward
back
ბაღი
ეზო
დიზაინი
forward
back
ტრადიციები
კარაბადინი
მეურნეობა
სახლ-კარი